دل کا ٹوٹنا واقعی ایک بہت بڑی نعمت ہے۔ جب میرا دل ٹوٹا تو مجھے زندگی کی اصل سمجھ آئی۔ ٹوٹنے سے پہلے میں سوچتی تھی کہ دنیا بس ہنسی خوشی کا نام ہے۔ میں اپنے غرور میں جیتی تھی، لگتا تھا کوئی مجھے توڑ ہی نہیں سکتا۔ پر جب دل ٹوٹا تو وہ غرور پل میں ریزہ ریزہ ہو گیا۔ غرور کے ٹوٹنے کی آواز دنیا نے نہیں سُنی بس میری روح نے سُنی۔ اور اُسی آواز کے بعد میری اصل زندگی شروع ہوئی۔ دل ٹوٹنے کے بعد میں نے پہلی بار اپنے اندر جھانکا۔ میں نے جانا کہ رحم دلی کیا ہوتی ہے۔ میں نے جانا کہ مضبوط ہونے کا مطلب چیخنا نہیں، خاموشی سے سہنا ہے۔ میں نے سیکھا کہ ہر جانے والا دشمن نہیں ہوتا، کچھ لوگ اُستاد بن کر آتے ہیں۔ ہر درد کے پیچھے ایک سبق چھپا ہوتا ہے، بس نظر چاہیے۔ دل ٹوٹنے کے بعد نیندیں اُڑ گئیں، لیکن شعور جاگ گیا۔ پہلے میں لوگوں سے توقع رکھتی تھی، اب میں خود سے اُمید رکھتی ہوں۔ پہلے میں شکوہ کرتی تھی اب میں شکر کرتی ہوں۔ پہلے میں گِر کر بکھر جاتی تھی اب گِر کر سنبھل جاتی ہوں۔ دل ٹوٹنے نے مجھے سکھایا کہ تنہائی زہر نہیں، دوا ہے۔ تنہائی میں جو باتیں رب سے ہوتی ہیں، وہ ہجوم میں نہیں ہوتیں۔ میں نے سیکھا کہ جو چیز تم سے چھن جائے، وہ تمہارے نصیب میں نہیں تھی۔ اور جو تمہارے نصیب میں ہے، وہ تم سے کوئی چھین نہیں سکتا۔ دل ٹوٹنے کے بعد میں نرم ہو گئی پر کمزور نہیں ہوئی۔ میں نے سیکھا کہ معاف کرنا طاقت ہے، بدلہ لینا کمزوری۔ میں نے سیکھا کہ اپنی قدر خود کرنی پڑتی ہے، دوسروں کے ہاتھ میں نہیں دینی۔ میں نے سیکھا کہ رونا بُرا نہیں رونے سے دل ہلکا ہو جاتا ہے۔ میں نے سیکھا کہ صبر کا پھل دیر سے ملتا ہے، پر میٹھا بہت ہوتا ہے۔ دل ٹوٹنے کے بعد میں نے اصل میں جینا سیکھا۔ پہلے میں صرف سانس لے رہی تھی، اب میں زندگی جی رہی ہوں۔ پہلے میں دوسروں کو خوش کرنے میں لگی تھی اب خود کو خوش رکھتی ہوں۔ پہلے میں ہار سے ڈرتی تھی، اب ہار کو سبق سمجھتی ہوں۔ دل ٹوٹا تو پتہ چلا کہ میں اکیلی نہیں ہوں، میرا رب میرے ساتھ ہے۔ سجدے لمبے ہو گئے، دعائیں سچی ہو گئیں۔ وہ درد جو مجھے توڑنے آیا تھا، وہی مجھے جوڑ گیا۔ آج اگر پیچھے مڑ کر دیکھوں تو ٹوٹے دل پر شکر ہی آتا ہے۔ کیونکہ اگر وہ دل نہ ٹوٹتا تو میں وہ انسان نہ بنتی جو آج ہوں۔ تو اگر آج تمہارا دل بھی ٹوٹا ہوا ہے، پریشان مت ہو۔ یہ انجام نہیں، یہ آغاز ہے۔ یہ سزا نہیں، یہ تربیت ہے۔ بس ٹوٹ کر بکھرنا نہیں، ٹوٹ کر نِکھرنا ہے۔ اور آخر میں بس یہی کہوں گی اگر آپ کا بھی دل ٹوٹا ہے تو شکر ادا کریں۔ کیونکہ دل ٹوٹنے کے بعد ہی اصل میں زندگی کی سمجھ آتی ہے۔ 🌙🕊️💌 #motivational #islamic_video #fyp #viral #foryoupage - @aim.bukhari5