تبدي قصتي جنت طالبه مرحله ثانية قانون جنت ما اهتم الأكبر شخص بجامعه وصديقاتي ينعدن ع الأصابع لان هواي منافقين بل جامعه فـ جنت اخذ حذري بس ع كل السلام وعندي صديقتين اثق بيهن فـ بيوم من الايام جنت جايه متأخرة مفوته محاظره كاملة لان ادري إذا دخلت للمحاظرة حنطرد كدام الكل فـ بقيت خارج المحاظرة وجان يجي شخص يسألني حيدر : شتسوين هنا بابه؟؟ صفنت انو هذا منو وشديصير وشعلي ؟؟ ضحى : عفوًا؟ اخي بس ليش هلسؤال؟ طلع الدكتور من المحاظره وجان يسلم ع هذا الشخص وكأنما ميانه ويعرفه من زمان طلع هذا هم دكتور للمحاظره الثانيه تمنيت الحيطان بيهن بطاطين حتى الف روحي بيهن من الفشله كعدت بمقعدي بس غير كون تجي عيني بعينه ابد من الفشله عيني مجلبه بحذائي وكل عقلي اركز بحذائي المهم ما اباوع بوجه زهراء : ضحى قلقتيني شبيج اخاف اكلها شبيه وتضل لاطشه بهل موقف زهراء إذا تلزم سالفه ع شخص يابويه شيخلصه ضحى : مركزه بحذائي داشوفها يحتاج امسحها مره ثانيه كل فشله ولا الثانيه زهراء : تشاقين ولج صارلج نص ساعه صافنه بيها لهدرجه ملامح حذائج عاجبتج يا يابه سمعتها حجت هيج اجيت افطس من الضحك ضحى : شنو ؟؟ زهراء : اي والله شبيج لهدرجه ملامح حذائج عاجبتج ضحكت وما شاء الله اني بل بيت ضحكتي وصله السابع جار بس من اطلع من اريد اضحك اكتمها فـ من أكتمها اكوم اضحك بدون صوت يعني بس حلك مفكوك لرأيح والجاي حيدر : بنتي إذا غاصه شربي مي ضحى : الله لا ينطيج زهراء زهراء : سوي نفسج تشربين مي فشلتينه بهاي ضحكتج خلصت المحاظره واني من الفشله عيوني بعدهن ع حذائي شوكت اتخطى ما ادري زهراء : يعني هسه بلا صار امتحان شتكتبين حذائي هيج وهيج ؟؟ دكافي تركزين كومي ضحى : ولج يكلي غاصه اموت روحي هسه ؟؟؟ وهم شنو بنتي ؟؟؟ هو اني بنته ؟؟؟ زهراء : هذا شاف روحه دكتور كال خل اشوفهم ابنائي رجعت للبيت اسولف إلاهلي ابويه : ضحى اني لو منج اسوي نفسي متخربط ضحى : علم النفس يكول الآباء قدوه لأبنائهم وهمه سبب ثقتهم العاليه بس ما شاء الله خاف عندي ثقه بنفسي شويه حتى لشويه طيرتها وابويه بعده يضحك امي ( مروه) : هسه الواحد من يتفشل عينه بكتابه لو ع منظر حلو انتِ حاطة عيونج بحذائج ليش ؟؟ ابويه : تتأملها صفنت صفنه رحت اراجع واسوي عشى ثاني يوم لكيته بوجهي مسلمت ولا سويت شي رحت المقعدي واخذنا محاظرات ونفس الروتين مر اسبوعين وعطلنا مثل هيج ايام واجه محرم واحنا معطلين من الامتحانات سمعت من امي قبل محرم بـ انو جايين الأبويه خطابه الي وابويه رافضهم ومع العلم ابويه ابد محجه بهيج موضوع كدامي بيوم السابع من محرم دنسوي ثواب خبز العباس ونجيسهن وياهن عروك وخضره ولبن فـ اجتني رساله من حساب مجهول وهمي داز فيد وهو بموكب يخدمون فـ كاتب بصخام الجدر بجاهك يا أبا الفضل اخذها عبالي بل غلط فـ مرديت وعفت الرساله يتبع …… #اكسبلورexplore #fypシ゚viral #fyppppppppppppppppppppppp #الشعب_الصيني_ماله_حل😂😂 #foryou - @89.uui