سيزر تشيكن برجر 🍔🥬🍟 إذا فيه وصفة بحسابي أبغى الكل يجربها فهي هذي من دون أي تردد ومتأكدة انها بتعجب الكل 🙂‍↔️💕💕 لا تفوتكم 😍 - تتبيلة الدجاج: * صدور دجاج * ١ كوب لبن * ٢ فص ثوم مهروس * ملعقة كبيرة عصير ليمون * ملعقة صغيرة مسترد * ملعقة صغيرة ملح، فلفل أسود، بابريكا، فلفل بودرة، بهارات ايطالية، كيجون، بودرة بصل وثوم - ندق صدور الدجاج بمطرقة اللحم الى ما يصير متساوي، بعدها نتبله بالمقادير الموجودة فوق ونخليه أطول فترة ممكنة (أنا خليته ليلة كاملة). - تغطية الدجاج: * كوبين دقيق * نص كوب نشا * ملعقة صغيرة من نفس البهارات اللي تبلنا فيها الدجاج - خليط البيض: * بيضتين * ٦ ملاعق كبيرة من تتبيلة اللبن اللي تبلنا فيها الدجاج - نغطي الدجاج بخليط الدقيق، بعدها بخليط البيض، ونرجعه مرة ثانية للدقيق ونضغط عليه عشان يعطينا طبقة كرسبي وبعدنا نقليه. - صوص السيزر (تقدروا تستبدلوه بالجاهز بس مافي ألذ من الطريقة هذي 🙂‍↔️) * نص كوب مايونيز * ٦ ملاعق كبيرة زبادي يوناني * ثلث كوب بارميزان مبشور * فص ثوم مهروس * ملعقة كبيرة عصير ليمون * ملعقة كبيرة موية مخلل الخيار (اختياري) * ملعقة صغيرة مسترد ديجون * ملعقة صغيرة ورشستر صوص * نص ملعقة صغيرة عسل * ربع ملعقة صغيرة بودرة ثوم * فلفل أسود * رشة ملح * ملعقة صغيرة زيت زيتون * خس - نخلط كل مكونات الصوص ونخليه بالثلاجة شوي عشان النكهات تتداخل. - نقصص الخس قطع كبيرة ونخلط معاه كم ملعقة من صوص السيزر ونخليه على جنب. - باقي المقادير * بطاطس مجمد * زبدة مذابة * ثوم * بارميزان * بقدونس * فلفل أسود وملح * ملعقة زيت زيتون * خبز برجر * بطاطس مجمدة - نقلي البطاطس ونحط عليه الزبدة والثوم والبارميزان والبقدونس والفلفل الأسود والملح وزيت الزيتون ونخلطه. - نحمص خبز البرجر ونحط عليه من صوص السيزر بعدها قطعة دجاج وبعدها خلطة الخس وبعدها نبشر جبنة بارميزان على الساندوتش من فوق. وبالعافية 🤍 #برجر #وصفات #food #fyp #اكسبلور - @aisha.alharbi95