@doctorferass: شو قصة الصفرية الخضرا اللي استعملها إسماعيل كوني؟ طول عمرنا منعرف إنه الحكام هن اللي بيستعملوا الصفريات، مش اللاعبين. بلعبة كندا ضد قطر بمباراة كأس العالم، إسماعيل كوني تصاوب بإجره إصابة جدًا قوية، لدرجة إنه كسر عظمين بالإجر: Tibia and Fibula. طبعًا بتقدروا تتخيلوا الوجع الشديد اللي بيكون فيه هيك حالة. واحدة من الشغلات الأولية اللي عملوها المسعفين لما إجوا، إنهم أعطوه صفرية خضرا يحطها بتمه. هاي الصفرية الخضرا اسمها Panthex. الصفرية اللي بتحوي بقلبها مادة methoxyflurane، وهي مادة مسكنة للألم، اللي واحدة من مميزاتها إنها بتشتغل جدًا بسرعة. بكفي يوخد نفس عن طريق هاي الصفرية خمس أو ست مرات، وبيبلش يدخل هاي المادة على قلب جسمه، وخلال وقت جدًا قليل ممكن يتحسن من ناحية كمية أوجاع الألم بيحسها. فحلو نشوف كيف إنه التكنولوجيا الطبية كم ممكن تساعد بهيك حالات. طبعًا ألف سلامة لكوني.

1850

To see more videos from user @doctorferass, please go to the Tikwm homepage.