@prasanthkaakkakot: ഓരോരുത്തർക്കും ഓരോന്നാണ് ജീവിതം.. ചിലർക്ക് സ്നേഹമാണ്.. ചിലർക്ക് ജോലിയാണ്.. ചിലർക്ക് വാശിയാണ്.. ചിലർക്ക് പ്രതികാരമാണ്.. ചിലർക്ക് ഉത്തരവാദിത്തബോധമാണ്, ചിലർക്ക് ഉത്തരവാദിത്തമില്ലായ്മയും.. ചിലർ ജീവിതം ജീവിക്കുന്നു.. ചിലർ ജീവിതം ആസ്വദിക്കുന്നു.. ചിലർ ജീവിതം കാത്തിരിക്കുന്നു.. ചിലർ മറ്റുള്ളവർക്ക് വേണ്ടി ജീവിക്കുന്നു.. ചിലർ എന്തിനോ വേണ്ടി ജീവിക്കുന്നു.. ചിലർ ബന്ധങ്ങളെ ചേർത്തുപിടിക്കുമ്പോൾ... ചിലർ ബന്ധങ്ങളെ ചൂഷണം ചെയ്യുന്നു.. ചിലർ പണത്തിന് വേണ്ടി ജീവിക്കുന്നു.. മറ്റു ചിലർ പണമില്ലെങ്കിലും ആത്മാവിനെ തൊടുന്ന എന്തെങ്കിലുമൊന്ന് ജീവിതത്തിൽ ഉണ്ടായാൽ മതി എന്ന് വിശ്വസിച്ച് ജീവിക്കുന്നു.. നിങ്ങൾ ഏത് വിഭാഗത്തിൽ പെടുന്നു എന്ന് ചിന്തിക്കേണ്ടത് നിങ്ങൾ മാത്രമാണ്.. അതുപോലെ തന്നെ.. നമ്മൾ ഏതിനോടാണ് ചേർന്ന് നിൽക്കേണ്ടതെന്ന് ഇടയ്ക്കെങ്കിലും സ്വയം ചോദിക്കേണ്ടതും നമ്മൾ തന്നെയാണ്.. കാരണം.. പലപ്പോഴും നമ്മുടെ ജീവിതത്തെ നിർവചിക്കുന്നത് കേവലം സാഹചര്യങ്ങൾ മാത്രമല്ല.. നമ്മൾ നടത്തുന്ന തിരഞ്ഞെടുപ്പുകൾ കൂടിയാണ്.