@millardayo_: Mbunge wa Kigoma Mjini, Clayton Chipando amesema hatokubali ongezeko la tozo kwa Maafisa Usafirishaji ‘Bodaboda’ akisisitiza kuwa kundi hilo ni miongoni mwa Vijana waliowahi kuwa msaada mkubwa wakati wa kampeni za uchaguzi. Akizungumza leo Juni 22, 2026 Bungeni Jijini Dodoma katika Bunge la Kumi na Tatu, Kikao cha Hamsini na Nne amesema bodaboda walitumika kama “Jeshi la mbele” katika harakati za kisiasa za kupata ushindi katika majimbo mbalimbali. Ameeleza kuwa wakati wa kugombea nafasi za uongozi alijitambulisha kwa ukaribu na kundi hilo, akisema hata aliwahi kujinasibisha kama ‘Mfalme wa Bodaboda’ hivyo hawezi kukaa kimya kuona Vijana hao wakiongezewa mzigo wa kodi au tozo mpya. “Hatutakubali Vijana waongezewe mzigo, asilimia kubwa ya bodaboda ni darasa la Saba, sehemu walipojiegemeza tunawaangamiza.”