@bjoofoxy: ورانا اليوم شغل كثير، لأن أخيرًا بدأنا تجهيز المانيكان للكولكشن الجديد. 🤍 هالمرة قررت أشتغل على مقاس ميديم لأنه بالنسبة لي يعتبر أفضل مقاس مرجعي، خصوصًا أن أغلب العميلات تكون مقاساتهم بين الصغير والوسط أو بين الوسط والكبير، فيسهل علي بعدين أعرف بالضبط كم أحتاج أصغر أو أكبر، ويكون التنفيذ أدق. صراحة ما عندي مانيكان بالمقاس اللي أبيه، فاضطريت أعدله بنفسي. الطريقة أخذت مني وقت أكثر مما توقعت، لكن بالنسبة لي تستحق كل دقيقة، لأني ناوية أشتغل على التصاميم بأسلوب الدريبينق، وأحب أشوف الفستان وهو يتشكل قدامي على المانيكان بدل ما أتخيله على الورق. بعدها ركبت الحشوات، والحمد لله ما كان ناقص إلا تقريبًا ٣ أو ٤ سم. تعمدت ما أوصل للمقاس النهائي، لأني بعطيه الزيادة اللي أحتاجها بعدين حسب التصميم. بعدها لبسته القماش، والحمد لله خلصنا تجهيز المانيكان بالكامل. الحين بدأت المرحلة اللي كنت متحمسة لها من البداية… مرحلة الدريبينق، وأحس هنا فعلًا يبدأ التصميم ياخذ روحه. ✨ #فساتين #تفصيل_فساتين #فساتين_مناسبات #فساتين_سهره

BJOO

Open In TikTok:

Region: SA

Monday 22 June 2026 15:58:01 GMT