@turath777: ‎لە سەرەتای سەدەی سیازدەدا، لە شاری تێروێلی ئیسپانیا، چیرۆکی ئەشقێکی زۆر پاک و بێگەرد لە نێوان کچێک بە ناوی ئیزابێل و کوڕێک بە ناوی دیێگۆ دەستی پێکرد. ‎ ‎​لە منداڵییەوە یەکتریان دەناسی و بەیەکەوە گەورە بوون، لە کۆڵانەکانەکان یێکتریان دەبینی و لە پەنجەرەی ماڵە کۆنەکانی تێروێلی سەیری یێکتریان دەکرد گەورەبوون و ئەشقەکەشیان لەگەڵیان گەورە بوو، بەڵام کێشەکە ئەوە بوو دیێگۆ کوڕێکی فەقیر بوو، ئیزابێلیش کچی ماڵێکی خانەدان و دەوڵەمەند و دەستڕۆیشتوو بوو. ‎ ‎​باوکی ئیزابێل بە هیچ شێوەیەک ڕازی نەبوو کچەکەی بدات بە دیێگۆ. پێی وت: "دەبێت شارەکە جێبهێڵیت، بڕۆ بۆ خۆت ئیش بکە و پارە پەیدا بکە. تەنها ٥ ساڵ مۆڵەتت پێ دەدەم." ‎ ‎​دیێگۆ ڕۆیشت، بەڵام دڵ و ڕۆحی لەلای ئیزابێل جێهێشت. بەڵێنی دا پێش ئەوەی ٥ ساڵەکە تەواو بێت، دەگەڕێتەوە. ئیزابێلیش زۆر بە وەفاوە چاوەڕێی دەکرد. هەرچی دەهاتە داوای، ڕەتی دەکردەوە، ماڵەوەیان زۆریان لێ دەکرد، بەڵام ئەو هەر چاوەڕێی دیێگۆ بوو... تا ٥ ساڵەکە خەریک بوو بەتەواوی کۆتایی دەهات. ‎ ‎​بەڵام قەدەر زۆر بێڕەحم بوو بەرامبەر دیێگۆ.... ‎ ‎لە کۆتا ڕۆژی ساڵی پێنجەمدا، باوکی کچەکە وایزانی دیێگۆ ئیتر ناگەڕێتەوە، بۆیە بە زۆر کچەکەی دا بە پیاوێکی خانەدان بە ناوی دۆن پێدرۆ دی ئازاغرا. ‎ ‎​زەماوەندەکە پڕ بوو لە گریان و ناخۆشی، هەر هەمان شەو دیێگۆ دوای ڕێگەیەکی دوور و درێژ و بە ماندوێتییەکی زۆرەوە گەیشتەوە ناو شار... بەڵام تەنها یەک ڕۆژ درەنگ کەوت! ‎ ‎کاتێک زانی ئیزابێل شووی کردووە، دنیا بەسەریدا ڕووخا. نیوەشەو بە دزییەوە چوو بۆ ماڵی ئیزابێل و خۆی کرد بە ژوورەکەیدا. ئیزابێل کە دیێگۆی بینی، شۆک بوو، چاوەکانی پڕ بوون لە فرمێسک و دڵی خەریک بوو لە لێدان دەکەوت. ‎ ‎​دیێگۆ لێی نزیک بووەوە، بە دەنگێکی پڕ لە دەرد و لەرزۆکەوە پێی وت: ‎ ‎"ئیزابێل... تەنها یەک ماچ... تەنها ماچێکی ماڵئاواییم بەرێ." ‎ ‎​ئیزابێل کەمێک چووە دواوە و بە دەنگێکی پچڕپچڕەوە وتی: ‎ ‎"ناتوانم دیێگۆ... من ئێستا ژنی پیاوێکی ترم." ‎ ‎​بۆ چەند چرکەیەک بێدەنگییەکی کوشندە باڵی کێشا بەسەر ژوورەکەدا. دیێگۆ ڕەق بوو، هەناسەی تێکچوو، و لەپڕ ڕێک لەبەردەم قاچەکانی ئیزابێلدا کەوت بە زەویدا. ئیزابێل ڕایکردە لای، بەسەریدا دەقیژاند و ناوی دەهێنا، بەڵام دەموچاوی سارد سارد بووبوو و هیچ هەناسەی نەدەدا. دیێگۆ لەوێدا، لە تاو ئەو هەموو خەفەتە و شکانی دڵی، گیانی لەدەستدا. ‎ ‎ئیزابێل شێت بوو بۆی، تا بەیانی لەسەر چۆک دەگریا و باوەشی بە تەرمەکەیدا کردبوو. ‎ ‎​بەیانییەکەی کە ڕۆژی ناشتنی دیێگۆ بوو، ئیزابێل بە جلی سپی بووکێنییەوە هاتە ناو خەڵکەکە. چوو بۆ لای تەرمەکەی دیێگۆ، خۆی چەماندەوە، و کۆتا ماچی لە لێوە ساردەکانی کرد... و هەر لەوێدا ئەویش گیانی دەرچوو و بەسەریدا کەوت. ‎ ‎​دەڵێن ڕێک لەو چرکەیەدا کە لێوی بەر لێوی کەوت، دڵی لە خەفەتدا وەستاوە. ‎ ‎​لە کۆتاییدا، هەردووکیان پێکەوە لە یەک کڵێسادا نێژران. لەناو تابووتەکانیشدا دەستیان خستە ناو دەستی یەکتر. مادەم لە ژیاندا نەیانهێشت بەیەک بگەن، بڕیاریاندا لە مردندا بۆ هەمیشە پێکەوە بن و دەستی یەک بەرنەدەن. #ئیشق #خۆشەویستی #چیڕۆک #ئاشقەکان #فەلسەفە

پۆڵا

Open In TikTok:

Region: IQ

Monday 22 June 2026 16:12:32 GMT