@fia.islamabad.zon: ایف آئی اے اسلام آباد زون میں آج ریکروٹمنٹ پراسیس کے تحت امیدواروں کی جانب سے دائر کردہ اعتراضات کے ازالے کے لیے ریویو بورڈ کا انعقاد کیا گیا۔ ریویو بورڈ میں ان امیدواروں کو موقع فراہم کیا گیا جنہوں نے قد، چھاتی کے پیمائش (Chest Measurement) اور رننگ ٹیسٹ سے متعلق نظرِ ثانی کی درخواستیں جمع کروائی تھیں، تاکہ ان کے تحفظات کو شفاف، غیر جانبدار اور میرٹ کی بنیاد پر دوبارہ جانچا جا سکے۔ یہ ریویو بورڈ چیئرمین، ایڈیشنل ڈائریکٹر جنرل (نارتھ) منیر مسعود مارتھ کی سربراہی میں منعقد ہوا، جبکہ ایڈیشنل ڈائریکٹر زنیرا اظفر ، ایڈیشنل ڈائریکٹر ندیم ظفر ، ڈپٹی ڈائریکٹر ایڈمن افضل خان نیازی ، ڈپٹی ڈائریکٹر لاء خوشنود احمد بھٹی اور دیگر آفیسرز بھی اس موقع پر موجود رہے۔ ایف آئی اے اپنے تمام ریکروٹمنٹ مراحل میں شفافیت، میرٹ، مساوی مواقع اور احتساب کے اصولوں پر مکمل یقین رکھتی ہے تاکہ ہر امیدوار کو منصفانہ اور غیر جانبدارانہ ماحول فراہم کیا جا سکے۔ #islamabad #FIA #transparency #merit #Recruitment

FIA Islamabad Zone

Open In TikTok:

Region: PK

Monday 22 June 2026 16:18:13 GMT