चितवन क्षेत्र नं. ३ अन्तर्गत लामो समयदेखि विभिन्न कारणले अवरुद्ध तथा अलपत्र रहेका विकास आयोजनाहरूको स्थलगत अवलोकन गरेका छौं। पूर्वाधार विकास मन्त्री सुनिल लम्साल र कृषि, वन तथा पर्यावरण मन्त्री गीता चौधरी सहित भरतपुर-माडी राष्ट्रिय निकुञ्जभित्रको सडक, हुलाकी राजमार्ग अन्तर्गत माडी-ठोरी सडक, माडीको हनुमान झुला, पश्चिम चितवनका घोलाघाट र घोषारघाट लगायतका क्षेत्रको निरीक्षण तथा अनुगमन गरी स्थानीय सरोकारवालासँग छलफल गरेका छौं। स्थलगत निरीक्षणका क्रममा देखिएका समस्या, चुनौती र सम्भावनाबारे सम्बन्धित पक्षहरूसँग छलफल गरेका छौं। लामो समयदेखि रोकिएका तथा अवरुद्ध रहेका योजनाहरूलाई अघि बढाउन आवश्यक समन्वय र पहल गर्ने प्रतिबद्धतासहित आजको भ्रमण सम्पन्न भएको छ। नागरिकको दैनिक जीवनसँग प्रत्यक्ष जोडिएका यस्ता पूर्वाधार आयोजना समयमै सम्पन्न हुने वातावरण निर्माण गर्न हामी निरन्तर लागिरहनेछौं। - @sobitagautam_