@.mayosha.calm.love: أنا بفتخر شديد إني لحد اليوم ما سألت زول عن قبيلتو ولا أصلو شنو، و كل احبابي يشهدو على ده ، لأنو بالنسبة لي القبيلة ما بتوصف الإنسان ولا بتحدد قيمتو. الإنسان بأخلاقو، بتربيتو، بمواقفـو، وبقلبو الأبيض، ما باسم قبيلتو. 🇸🇩 أكيد كلنا بنفتخر بأصولنا وقبائلنا، ودي حاجة جميلة وما فيها أي غلط، لكن الغلط الحقيقي لمن تتحول القبيلة لسبب للتمييز والتعالي ورفض الناس. أي مجتمع بقبل الزول أو برفضو عشان قبيلتو، دا مجتمع فاشل وتعبان من جوة، لأنو نسى معنى الإنسانية والمحبة. ربنا قال: "وجعلناكم شعوباً وقبائل لتعارفوا" ما قال لنتكبر على بعض، ولا لنفرق بين بعض، ولا نحسس زول إنو أقل مننا. القبائل اتخلقت عشان نتعارف ونتحاب ونعرف جذور بعض، ما عشان نبني بيناتنا حواجز وكراهية. أنا بحب السودان بكل تفاصيلو، بكل لهجاتو، بكل قبائلو، من شمالو لجنوبو ومن شرقو لغربو. بحب الطيبة الجوانا ، بحب وقفتنا مع بعض في الشدة، بحب روح السوداني لمن يضحك ويواسي ويشارك غيرو حتى لو هو ذاتو موجوع. السودان عمره ما كان قبيلة واحدة، السودان جمالو في تنوعو، وقوتو في وحدتو. وأجمل حاجة ممكن نعملها إننا نشوف بعض كسودانيين أول قبل أي انتماء تاني. لأنو في النهاية… الدم البجري فينا واحد، والتراب البنمشي فوقو واحد، والوطن البنسأل الله يحفظو لينا واحد. ❤️🇸🇩 و لسه نحن بنحلم بي وطن واسع و طن شاسع ❤️ #سودانيز_تيك_توك_مشاهير_السودان #السودان_مشاهير_تيك_توك #وطني_حبيبي_وطني_الغالي @الخمجان الجعلي 🦅515🦅🇸🇩🇶🇦 في بريدك

*꧁༒ Mayosha ༒꧂ Calm Lover*

Open In TikTok:

Region: SD

Monday 22 June 2026 17:08:00 GMT