አንዳንድ ጊዜ ችግሩ የተሳሳተ መንገድ መያዛችን አይደለም...ያለንበትን ቦታ አለማወቃችን ነው። ሰው የት እንደቆመ ካላወቀ የት መሄድ እንዳለበትም አያውቅም። የት እንዳለ የማያውቅ ሰው የሚመጣውን አደጋ አያይም። የሚጠብቀውን እድልም አያስተውልም። ስለዚህ... ብዙ ጊዜ የምንወድቀው በጠላት ጉልበት አይደለም በራሳችን ድንቁርና ነው። አንዳንድ ሰዎች በትንሽ ስኬት ራሳቸውን በጣም ትልቅ ያደርጋሉ ከዚያም ከእውነታው ይርቃሉ። ሌሎች ደግሞ በትንሽ ውድቀት ራሳቸውን በጣም ትንሽ ያደርጋሉ... ከዚያም ተስፋ ይቆርጣሉ። ሁለቱም ግን አንድ ችግር አላቸው ራሳቸውን በትክክል አያውቁም። ሕይወት ውስጥ ከባዱ ነገር ሌሎችን ማወቅ አይደለም ራስን ማወቅ ነው። ድክመትህን ማወቅ... ጥንካሬህን ማወቅ... ያለህን አቅም ማወቅ... የሌለህንም አቅም መቀበል... ይሄ ነው እውነተኛ ጥበብ። አንድ መርከብ በባህር ላይ ምንም ያህል ጠንካራ ብትሆን ካርታውን ካጣች በመጨረሻ ትሳሳታለች። ሰውም እንደዚያው ነው። ትምህርት ቢኖረው... ገንዘብ ቢኖረው... ተሰጥኦ ቢኖረው... ራሱን ካላወቀ በሕይወት መንገድ ይጠፋል። አንዳንድ ጊዜ ቦታችንን ስለማናውቅ የሌሎችን ጫማ ለመልበስ እንሞክራለን። የሌሎችን ሕይወት ለመኖር እንሯሯጣለን። በሌሎች ስኬት እንቀናለን። የሌሎችን መንገድ እንከተላለን። ነገር ግን... እግዚአብሔር ሁሉንም ሰው ለተለየ ዓላማ ፈጥሮታል። የአንተ መንገድ የአንተ ነው። የአንተ ጉዞ የአንተ ነው። የአንተ ጊዜ የአንተ ነው። ስለዚህ ራስህን ከሌሎች ጋር በማነጻጸር የራስህን ዋጋ አታጥፋ። ምክንያቱም... ንስር በዓሣ መዋኘት አይቀናም። ዓሣም በንስር መብረር አይቀናም። እያንዳንዱ የተፈጠረው ለራሱ ቦታ ነው። ከትልቁ የሕይወት ትምህርቶች አንዱ...ያለህበትን ቦታ ማወቅ ነው። ማን እንደሆንክ ማወቅ ነው። ምን እንደምትችል ማወቅ ነው። ምን እንደማትችልም መቀበል ነው። ምክንያቱም... ቦታችንን አለማወቃችን ብዙ ጊዜ አስገመተን... ራሳችንን ማወቃችን ግን ወደ ትክክለኛው መንገድ ይመራናል። ይህ የእኔ እይታ ነው✍️ ቀጣይ ሌሎች እይታዎች እንዲደርስዎት የእኔ እይታን ፔጅ follow, like and share በማድረግ ቤተሰብ ይሁኑ! #foryou #fyp #viral #fypシ #viralvideo - @viewer_1221