@jeonjungkookie333: Post:(337) مرد چہرے سے نہیں ظرف سے پہچانا جاتا ہے مرد ہونے کا تعلق نہ جبین کے تیور سے ہے،نہ مونچھوں کے غرور سے، نہ لہجے کے شور سے ہے۔ مرد وہ ہے جو اپنے نفس کا گلا گھونٹ سکے، جو خواہش کے سمندر میں بھی تقویٰ کا چراغ ڈھونڈ سکے۔ جو اختیار ملنے پر خود کو خدا نہ سمجھے، اور محرومی ملنے پر قسمت سے گلہ نہ کرے۔ جو اپنے زخم سینے میں دفن رکھے مگر کسی بےبس کی آنکھ میں آنسو نہ رہنے دے۔ جو لفظوں سے نہیں، کردار سے پہچانا جائے، جس کے جانے کے بعد بھی اس کا اخلاق دہرایا جائے۔ مرد وہ نہیں جو# دیواریں گرا دے، مرد وہ ہے جو بکھرے ہوئے دل سنبھال دے۔ وہ جو انتقام لے سکتا ہو مگر معاف کر دے، جو نفرت پا کر بھی محبت کا در وا کر دے۔ اس کے قد کا اندازہ قامت سے نہیں، اس کے ظرف کی وسعت سے لگایا جاتا ہے۔ کیونکہ بلند پہاڑ بھی وقت کے ساتھ ریزہ ریزہ ہو جاتے ہیں، مگر بلند کردار زمانوں پر سایہ کر جاتے ہیں۔ مونچھیں تو بلی کی بھی ہوتی ہیں، شیر کی بھی ہوتی ہیں، مگر عظمت چہروں پر نہیں لکھی جاتی۔ عظمت تو تب جنم لیتی ہے جب آدمی تنہا ہو، کوئی دیکھنے والا نہ ہو، اور پھر بھی وہ سچائی کا ہاتھ نہ چھوڑے۔ یاد رکھو! مردانگی بازوؤں کی سختی نہیں، ضمیر کی بیداری کا نام ہے۔ اور کردار وہ خوشبو ہے جو قبر کی مٹی سے بھی بلند ہو کر نسلوں کے دلوں تک پہنچ جاتی ہے۔ . . #bts #btsArmy @mnijungkook

♡jeon's girl♡

Open In TikTok:

Region: PK

Monday 22 June 2026 17:57:26 GMT