گەر تەنیا بووی چاو مەگێرە بۆ کەس چاوەڕێی هەواڵی ئاشنایەک مەکە دەست درێژ مەکە بۆ دەستی کەس خەمی ئەوە داو نەگرێ کە کەس ئاگای لە بێدەنگیو نییە گەر تەنیا بووی من بۆو ئەمبە هەر هەشت ملیارەکەی ئەم ماڵە بچوکەی خوا ئەبمە چرای تاریکترین ڕاڕەوەکانی ڕۆحت دنیا ڕۆژی ڕوناکیش بێ هەر ناکوژێمەوەو ئەسوتێم بۆو لە عەسرە تاڵەکانی تەنیایدا ئەبمە ڕاز و شیرینترین ترێی کشمیشی ئەگرم وا ئەکەم دانە دانە شیرین بێتەوە تاڵیت لە هەر کۆڵانێکی تەنگە بەردا گیرت خواردووە گومانت نەبێ کە من لەو سەرەوە بە باوەشێک خۆشەویستیەوە چاوەڕێتم گەر کوچەکان دەرنەچوون وەرەو گومانت نەبێ لە خۆمدا سەدان شاڕێم بۆ هەڵگرتووی ئەتبەمەوە سەر دەیان بوستان و دەشتی کاکی بە کاکی گەر بەیانییەک هەستت کرد ئیتر ڕۆژ هەڵنایە ئیتر جریوەی بەربەیانی چۆلەکەکان نابیستی ئەوا لەودیو پەردەکەوە بومەتە خۆر و چاوەڕێم بە تۆ هەڵبێم بوومەتە دڵخۆشترین چۆلەکەی ئەو بەیانییە کە نازانێت بێدەنگ بێت کە نازانێت ساکین بێت و بە هەر چوار چوارلادا دێت و دەچێت گەر ڕۆژێ هەستت کرد ئیتر ئەم گوڵخانیەی تۆ بارانی بەسەردا نابارێ ئەوا ئەبمە ئاسمانێک بە ڕەوە هەورێکەوە کە شاگەشکە بوون بۆ بارین شەڕیانە لەسەر ئەوەی خۆیا بشۆن ئاوی زیاتر بکەن بە گوڵەکانتا ئاسمانێک تەنیا تۆ ئەیبینی و تەنها تۆ ئەیناسی و تەنها و تەنهاش هەر بۆتۆ ئەبارێ گەر شەوێ بەرامبەر پەنجەرەکەت دانیشتیو بینیت شەوت ئەستێرەی تیا نەماوە ئەوا لە پشتەوە پڕ دەستم لە وردە ئەستێریەو لە جێی هەر ئەستێرەیەک گەوهەرێکت بۆ هەڵەو هەڵەواسم گەر تەنیایت سەفەری کرد بە ناو خۆیدا بێ ترس بڕۆ بە هەموو وێستەگەکاندا بڕۆ بەهەموو شارەکاندا بڕۆو گومانت نەبێ کە من لەو سەرەوە بە باوەشێک خۆشەویستیەوە چاوەڕێتم #foryou #foryoupag #viral #actives? #explore - @7aidar.dalo