@qoricas1: Part 935 || Waa 9 ka mid ah kuwa loogu jeclaa. 1. KHADRA DAAHIR CIGE "Boqorada Fanka Soomaaliyeed". Waxay dhalatay sannadkii 1957-dii magaalada Hargeysa, waxayna caan baxday xilligii dahabiga ahaa ee fanka Soomaalida ee 1970-gii iyo 1980-gii. Waxay ku Geeriyootay July 2, 2022, magaalada Hargeysa iyadoo 65 jir ah. 2. SAHRA AXMED JAAMAC Sahra Axmed Jaamac waxay ahayd fanaanad weyn oo ka mid ahayd tiirarkii ugu muhiimsanaa ee fanka Soomaalida. Waxay dhalatay qiyaastii 1956-dii gobolka Togdheer, ee Somaliland waxaanay ku kortay magaalada Hargeysa. Waxay caan ku ahayd codkeeda debecsan iyo heesaheeda cajiibkaa. Waxay geeriyootay April 4, 2018 magaalada Hargeysa. 3. XALIIMO KHALIIF CUMAR MAGOOL Xaliimo Khaliif Cumar (Magool) waxay ahayd fanaanad caan ka ahayd geyiga Soomaaliyeed, waxaana loo aqoonsaday "Boqorada Codka Fanka Soomaaliyeed" iyo "Hooyadii Fanka". Waxay dhalatay qiyaastii 1943-gii ama 1948-gii (waxaa loo badshaa gobollada dhexe sida Dhuusamareeb ama Beledweyne). Waxay fanka ku soo biirtay dhamaadkii 1950-aadkii, iyadoo magaca "Magool" (oo dhalasho ama ubax ka dhigan) uu u bixiyay abwaan Yuusuf Xaaji Aadan markii ay tagtay Hargeysa. Waxay geeriyootay March 19, 2004, magaalada Amsterdam ee dalka Netherlands. 4. HIBO MAXAMED HODOON “HIBO NUURA” Waxay ku dhalatay Dilla, Somaliland sanadkii 1954. Waxay ku kortay magaalada Boorama, ka dibna waxay u guurtay Hargeysa halkaas oo ay ka billawday safarkeeda dhanka muusigga iyo suugaanta. Waxay fanka soo gashay iyadoo aad u yar sanadkii 1968. Waxay caanbaxday 1970-yadii iyo 1980-yadii iyadoo xubin muhiim ah ka ahayd kooxdii caanka ahayd ee Waaberi. 5. XABIIBA XASAN TOOXOOW Xabiibo Xasan Tooxow waa fannaanad caan ah oo ka mid ah tiirarka waaweyn ee fanka iyo suugaanta Soomaaliyeed. Waxay ku dhalatay magaalada Qoryooley ee gobolka Shabeellaha Hoose, sannadkii 1981-kii. Xabiibo Tooxow waxay fanka si weyn uga dhex muuqatay guud ahaan waayihii fanka Soomaalida ee rukunka adkaa, gaar ahaan bartamihii ilaa dhammaadkii 1980-yadii. 6. KINSI XAAJI AADAN Kinsi Xaaji Aadan Ow Xuseen, oo loo yaqaannay "Caqaarta", Kinsi waxay ku dhalatay gobolka Sanaag ee dalka Soomaliland. Waxay fanka ku biirtay sannadihii 1970-yadii iyadoo aad u yar, wax baddanna kama soo wareegin markii ay ku soo caanbaxday xawaare sare iyo muwaahibo dhinaca masraha ah. 7. MARYAN MURSAL CIISE Waxay ku dhalatay dalka Soomaaliya sannadkii 1950. Maryan waxay fanka soo gashay lixdameeyadii iyadoo aad u yar, waxaana ay noqotay gabadhii ugu horreysay ee muusigga nooca Jazz-ka ah ka heesta dalka. Waxay si weyn ugu caanbaxday ka mid ahaanshiyaha kooxdii caanka ahayd ee Waaberi. 8. FAADUMO CABDILAAHI MAANDEEQ Faadumo Cabdilaahi Kaahin, oo ku caan baxday magaca Maandeeq, waa mid ka mid ah fannaaniinta ugu magaca weyn taariikhda dahabiga ah ee fanka iyo suugaanta Soomaaliyeedna sida weyn uga dhex muuqda. Waxay ku dhalatay magaalada Hargeysa ee Somaliland. Waxay fanka soo gashay xilli hore iyadoo dhalinyaro ah, waxayna markiiba ka dhex muuqatay hobolladii ugu horreeyey ee dalka, gaar ahaan kooxdii caanka ahayd ee Waaberi. 9. SHANKAROON AXMED SAGAL Shankaroon Axmed Yuusuf, oo ku caan baxday magaca Shankaroon Axmed Sagal, waxay ahayd fannaanad heer qaran ah iyo mid ka mid ah xiddigihii ugu caansanaa ee Hobolladi Waaberi. Waxay ku dhalatay meel u dhow magaalada Awaare ee dowlad deegaanka Soomaalida. Waxay astaan u ahayd waayihii dahabiga ahaa ee fanka Soomaaliyeed. Shankaroon Axmed Sagal waxay ku soo kortay kuna barbaartay magaalada Hargeysa, halkaas oo ay ka bilaabatay jacaylkeeda dhanka fanka iyo suugaanta. Waxay si rasmika ah fanka ugu soo biirtay dabayaaqadii 1969 ilaa 1970-meeyadii. Heesteedii ugu horreysay ee ay qaaddo waxay ahayd "Goor iyo Ayaan", waxaana u alifay Abwaan Aadan Tarabbi Jaamac, iyadoo laxankana uu saaray fannaankii Rashiid Bullo. ✍🏻

Mr-BOQOLE🎸 🐪

Open In TikTok:

Region: SO

Monday 22 June 2026 22:12:27 GMT