اظلم الليل وظلامه شد فكري للقصيد ليتني راكع واصلي وش ابي بالمعمعه ! دام في يوم القيامة كل عبد وله رصيد يا بخت منهو يصوم وكل حسْنه يجمعه وين زيد ووين طلحة وين خالد بن وليد راحت ايام الشهامة يا زمان الاقنعة كل ما اقرا سورة الانفال ايماني يزيد يوم ابن مسعود ضام ابو جهل في مصرعه وكل ما مرت هنوفٍ قمت افتش بالبريد علها خلت رسالة ودها اني اسمعه متذبذب بين آي وبين فهد بن سعيد كل ماهبت رياح تطيح كل الاشرعة ودي اني بعد ثالث عقد اولد من جديد واتخير درب ثاني غير دربي واتبعه وترجع همومي صغيره اتحرى يوم عيد لاجل اجمّع لي دراهم واشعر اني في سعة ويش فايدة الشباب ان كان خلاني وحيد وردةٍ ذبلت وهي لحالها بالمزرعة كنت احسب ان كل ما اكبر في سنيني بستفيد من عقب طعم الحلاو السم الاسود اجرعه رغم اني راسٍ اصوك من أولوا باسٍ شديد من عنى الايام عزمي صرت ادفه وانتعه كل ماشفت السعادة جات في دربي / تحيد لين صار القلب حتى الابتسامة توجعه ما يسلي خاطري غير انت يالشعر الفريد كل ما اكتب قصيدة قيل هذي مبدعه يالقريحه لو سمحتي نامت عيون العبيد لي ثلاث سنين وضعي قل نوم وتعتعه راحت سنين الطفولة يوم انا جدًا سعيد كنت اغني بلا قصيد وكنت العلع لعلعه جعل من ليّن لداود النحاسة والحديد يليّن الصعب وتصير دروب عمري مربعه ويغفر ذنوبٍ فعلته .. من قبل يوم الوعيد وش بقى ليوم القيامة دام سولف الامعه كل يوم اقول يومي عن يومي مو بعيد دام نطرد لليالي والليالي مسرعه #احمد_بن_شافي #explore #fyp - @bn_shaafi