ဘယ်အရွယ်ဘဲ ရောက်ရောက် မိန်းမတစ်ယောက် အိမ်ထောင်ရေး ပျက်သွားတယ်လို့ ဆိုရှယ်မီဒီယာပေါ် တင်မိလိုက်သည့်အခါ ပထမဆုံးရောက်လာတတ်တဲ့သူတွေကတော့ အဲ့ဒီအမျိုးသမီးရဲ့ ပြိုင်ဖက် မိန်းမတွေပါဘဲ။ ဟန်ဆောင်မျက်နှာဖုံးတွေနဲ့ လာရောက်နှစ်သိပ် နေကြပေမယ့် စိတ်ထဲမှာတော့ သူမကျရှုံးတော့ မှာကို ကြိတ်ပြီး ဝမ်းသာနေကြတာမျိုးပါ။ ဒုတိယ ရောက်လာတတ်တဲ့သူတွေကတော့ ကိုယ့်ကို အချောင်ရမလားဆို၍ သွေးတိုးလာစမ်းသပ်တတ်ကြသည့် ပိုင်းလုံးတွေနဲ့ကာမတဏှာကို လိုချင်ကြသည့် ယောက်ကျား တွေပါ။ တတိယအုပ်စုကတော့ ကိုယ့်ရှေ့မှာ ဟန်လုပ်ပြုံးပြလေ့ရှိပြီး နောက်ကွယ်မှာ နောက်ကျောကို ဓားနှင့်ထိုးတတ်သည့် မိတ် ဆွေအတုတွေပါ။ ဒါကြောင့် ကိုယ်က အိမ်ထောင်ရေး အဆင်မပြေခဲ့ရင် အပြင်လူကို အပူသက်သာပါစေ ဆို၍ ရင်မဖွင့်မိကြပါစေနဲ့။ ကိုယ်ရင်ဖွင့်မိတဲ့သူက တွေးတွေးဆဆနဲ့ဖေးမ တတ်သူဆို တော်ပါသေးရဲ့ တဆိတ်ကို တအိတ်လုပ်၍ သတင်းစကားကို အတင်းပြောတတ်သူ ဖြစ်ခဲ့လျှင်တော့ ငါးပါး မှောက်ကုန်တော့တာမျိုးပါ။ ဒီခေတ်ကြီးထဲမှာ တွေးတွေးဆဆနဲ့ဖေးမပေးတတ်တဲ့သူဆိုတာ အတော်ရှားလှပါသည်။ ဒါအပြင် ကိုယ့်ငယ်ရွယ်နုပျိုစဉ်တုန်းက လက်တွဲမိခဲ့ သည့် ဘဝလက်တွဲဖော်လို့ သတ်မှတ်ခဲ့ရသူတောင်မှ ကိုယ်အပေါ် ဖောက်ပြန်ခဲ့သေးတာ နောက်လူဆိုတာကိုကော ဘယ်လိုစိတ်နဲ့တထစ်ချ ယုံကြည်ရမှာမို့လဲ။ ဒါဆို မရှိဘူးလားလို့ မေးစရာရှိပါသည် ? ရှိတော့ ရှိပါလိမ့်မည် အတော် ရှားပါးပါလိမ့်မည်။ ထို့ကြောင့် ကိုယ်အိမ်ထောင်ရေး ပြိုကွဲပျက်စီးခဲ့လျှင် ဘယ်သူ့ကိုမှ အားကိုးမရှာပါနှင့်။ မိမိကိုယ်ကိုသာ မိမိအားကိုးပါ။ အကြိမ်ကြိမ် လဲကျခဲ့ရင် အကြိမ်ကြိမ်အားယူ ပြီးပြန်ထပါ။ တကြိမ်ကြိမ်မှာတော့ သင်အောင်မြင်သွားပါလိမ့်မည်။ လောကမှာ အမြဲတမ်းလမ်းပျောက်နေတဲ့သူဆိုတာမျိုးက မရှိကြပါဘူး။ လမ်းမှားရောက်သွားတဲ့သူမျိုးသာရှိကြတာပါ။ လဲကြတဲ့အချိန်တိုင်း တွဲထတဲ့သူကို ရှာတတ်သည့် အကျင့်မျိုးကို ပြုပြင်ကြပါ။ အတ္တဟိ အတ္တနော နာထော မိမိကိုယ်သည်သာ မိမိ၏ ကိုးကွယ်ရာဖြစ်ပါတော့ - @aaaung686