🪽Fight Club လို ဇာတ်ကောင်တွေရဲ့ မသိစိတ်ထဲက အထီးကျန်မှုနဲ့ စိတ္တဇဆန်တဲ့ အမှောင်ဘက်ခြမ်းတွေကိုမှ... ဟောင်ကောင်ရုပ်ရှင်လောကရဲ့ ကဗျာဆရာကြီး ဒါရိုက်တာ Wong Kar-wai က သူ့ရဲ့ ထုံးစံအတိုင်း မှိုင်းညို့အေးစိမ့်လှတဲ့ မိုးပြာရောင် Visuals တွေ၊ စွဲမက်ဖွယ် နာရီသံတွေနဲ့ အကွက်ကျကျ ပုံဖော်ထားတဲ့ Psychological Drama / Romance / Neo-Noir ဂန္ထဝင် ရုပ်ရှင်ကမ္ဘာကြီး ဖြစ်ပါတယ်ဗျာ။ 🪽၁၉၆၀ ပြည့်နှစ်တွေရဲ့ ဟောင်ကောင်မြို့ပြကြီးထဲမှာ ဖြစ်ပါတယ်။ အိမ်ထောင်ရေး မတည်မြဲတဲ့ မိခင်အရင်းက စွန့်ပစ်သွားခဲ့လို့ မွေးစားအမေဖြစ်သူ ဖာသည်မဟောင်းတစ်ဦးရဲ့ လက်ထဲမှာ စိတ္တဇဆန်ဆန် ကြီးပြင်းလာရတဲ့ ချောမောခန့်ညားပြီး ချမ်းသာတဲ့ လူငယ်လေး ယုဒိ (Leslie Cheung) ဟာ စိတ်ဒဏ်ရာ (Trauma) အပြည့်နဲ့ ဘဝကို တာဝန်မဲ့ ဖြတ်သန်းနေသူပါ။ သူဟာ မိန်းကလေးတွေကို သူ့ရဲ့ ဆွဲဆောင်မှုနဲ့ အရူးအမူးဖြစ်အောင် လုပ်ပြီးရင်... ဘယ်သူ့ကိုမှ သံယောဇဉ်မတွဲဘဲ ရက်ရက်စက်စက် စွန့်ပစ်တတ်တဲ့ Playboy အထာ နဲ့ အသက်ရှင်နေပါတယ်။ 🪽သူ့ရဲ့ ပထမဆုံး သားကောင်ကတော့ အားကစားကွင်း ကန်တင်းမှာ အလုပ်လုပ်တဲ့ ဖြူစင်တဲ့ ကောင်မလေး ဆူလီကျန်း (Maggie Cheung) ပါပဲ။ ယုဒိဟာ သူမကို ငါတို့ တစ်မိနစ်စာ အတူတူကြည့်ခဲ့တဲ့ အချိန်ကို နင်တစ်သက်လုံး မေ့တော့မှာ မဟုတ်ဘူးဆိုတဲ့ စကားလုံးနဲ့ သိမ်းပိုက်ခဲ့ပြီး... ဆူလီကျန်း က လက်ထပ်ဖို့ ပြောလာတဲ့အခါမှာတော့ ငြင်းပယ်ပြီး မောင်းထုတ်လိုက်ပါတယ်။ ဒုတိယတစ်ယောက်ကတော့ ကလပ်က ကချေသည်မလေး မီးမီး (Carina Lau) ဖြစ်ပြီး သူမလည်း ယုဒိရဲ့ အချစ်မဲ့ လှည့်စားမှုအောက်မှာပဲ ရူးသွပ်နာကျင်ရပြန်ပါတယ်။ 🪽တစ်ဖက်မှာလည်း ယုဒိ စွန့်ပစ်ခဲ့တဲ့ ဆူလီကျန်း ကို တိတ်တခိုး ချစ်မိသွားတဲ့ ရဲသားလေး တိုက်မင်း (Andy Lau) နဲ့ ယုဒိရဲ့ သူငယ်ချင်းအရင်းကြီး တပ်ဘီ (Jacky Cheung) တို့ပါ ဒီအချစ်မုန်တိုင်းထဲ ပါဝင်ပတ်သက်လာကြပါတယ်။ နောက်ဆုံးမှာ ယုဒိဟာ သူ့ရဲ့ စိတ္တဇဆန်တဲ့ အထီးကျန်မှုကို အဆုံးသတ်ဖို့နဲ့ မိခင်အရင်းကို ရှာဖွေဖို့အတွက် ဟောင်ကောင်ကနေ ဖိလစ်ပိုင်နိုင်ငံဆီ ထွက်ခွာသွားခဲ့တဲ့အခါ... လမ်းပျောက်နေတဲ့ ငှက်ငယ်တွေလို ဇာတ်ကောင်အားလုံးရဲ့ ဘဝတွေ ဘယ်လိုအဆုံးသတ်သွားမလဲဆိုတာကို...။ မကြည့်ဖူးသေးရင် တစ်ခါလောက်ဖြစ်ဖြစ် စမ်းကြည့်သင့်ပါတယ်။ ပြီးတော့မှ ဒီလိုဇာတ်ကားပုံစံမျိုးတွေပဲ ကြည့်ချင်သွားရင်တော့ တာဝန်မယူပါဘူး။😁 movie name 📛 days of being wild 🚀 channel link in bio 🚀 #depresion #lonely #movie #moviereview #movierecommendation - @filmlogic18