طيش العقول اللي بالاوهام سيّر
في وقت ضاعت فيه شيمات الاحرار
سوق الخمام المبتذل لو تشيّر
ما يقبله راعي الكرامه والاصرار
باعوا ثمين العرف لجل المجيّر
واستبدلوا ستر الحيا بْرِخْص الأسعار
نقفي عن العيب النكير المِعَيّر
ونموت ما بعنا الكرامه بدينار
2026-06-23 10:51:55
6
مشاري بن محمد :
صح الله السانك وعتلى شانك . مبدعه
2026-06-23 15:22:44
1
فارس الوادعي𓃗 :
يابنت ناصر صادق الحرف نيّر
جبتي كلامٍ يبري كبود الأحرار
هـذا الـزمان اللـي رداه يتخيّر
روس الرجال وعقّب الحرّمحتار
كم واحدٍ من اجل قرشين صيّر
نفسه ذليله بين حـاقد وغدّار
بثّالخبال اللي تشوفه يحيّر
باعوا الكرامه في منصّات الأذكار
أقـولهــا والقــلب كنّه مصيّر
ياعزتي للواعي بوسط الأشرار