@joq: Një qytetar ka ngritur shqetësime lidhur me sigurinë ushqimore pas blerjes së një shalqiri me çmim 120 lekë të reja për kilogram. Ai ka treguar se pas blerjes ka kryer një kontroll për nivelin e nitrateve dhe rezultatet e marra kanë treguar vlera shumë më të larta se norma e lejuar. Në videon e publikuar nga qytetari, pajisja matëse shfaq vlera që variojnë nga 900 deri në 1100, ndërsa sipas pajisjes norma e lejuar është 60. Ai gjithashtu shpreh dyshime se fruti mund të ketë qenë subjekt i ndërhyrjeve artificiale, duke pretenduar se dallohen shenja që mund të tregojnë injektim. “Po na helmojnë!”, shkruan qytetari në denoncimin e tij, duke kërkuar ndërhyrjen e institucioneve përgjegjëse për verifikimin e produktit dhe kryerjen e kontrolleve në treg.