@bantu_media: Mkaguzi na Mdhibiti Mkuu wa Hesabu za Serikali (CAG) Mstaafu, Prof. Mussa Assad, amesema ni muhimu kuwepo kwa utaratibu wa ukaguzi na ufuatiliaji wa maisha ya viongozi wa umma wanaoteuliwa kushika nafasi mbalimbali serikalini. Prof. Assad amesema tathmini hiyo haipaswi kufanyika kwa viongozi pekee, bali pia kuwahusisha ndugu na watu wa karibu wanaoweza kuhusishwa na mali au shughuli zao za kiuchumi, ili kuweka wazi suala la uadilifu na uhalali wa umiliki wa mali. Akizungumza katika mahojiano na Clouds TV, Prof. Assad amesema ukaguzi huo wa mara kwa mara unaweza kusaidia kubaini mwenendo wa maisha ya viongozi na kutoa taswira ya namna mali wanazomiliki zinavyopatikana wakati wa kipindi chao cha uongozi. Ametoa mfano wa kiongozi mmoja anayemfahamu ambaye, ndani ya kipindi cha miaka mitano akiwa Waziri, ameweza kumiliki magari ya kifahari ikiwemo magari matatu aina ya Land Cruiser LC 300 pamoja na Range Rover, huku akiishi maisha ya gharama. Kwa mujibu wa Prof. Assad, hali hiyo inaleta maswali kuhusu namna mali hizo zilivyopatikana ndani ya muda mfupi na umuhimu wa kuwa na mifumo madhubuti ya uwajibikaji kwa viongozi wa umma. Amesisitiza kuwa uwazi, uadilifu na ufuatiliaji wa mali za viongozi ni hatua muhimu katika kujenga imani ya wananchi na kuhakikisha viongozi wanawajibika kwa nafasi wanazopewa. CC: CLOUDS MEDIA

Bantu Media

Open In TikTok:

Region: TZ

Tuesday 23 June 2026 08:32:52 GMT