@qisqasitv: ⚽️🇺🇿 “Raqibdan qo‘rqmaymiz” — Kannavaro Portugaliya bilan o‘yin oldidan 🔥 O‘zbekiston terma jamoasi bosh murabbiyi Fabio Kannavaro Portugaliyaga qarshi bahs oldidan jamoa nomdor raqibdan cho‘chimayotganini aytdi. Uning ta’kidlashicha, portugallar mundialdagi eng kuchli jamoalardan biri bo‘lsa-da, O‘zbekiston o‘z o‘yinini ko‘rsatish va ijobiy natija uchun oxirigacha kurashadi. 🎯 Kannavaro Portugaliya safida ko‘plab yuqori saviyali futbolchilar borligini, ayniqsa Krishtianu Ronalduga jarima maydonida bir lahza ham e’tibor susaytirmaslik kerakligini qayd etdi. Shu bilan birga, murabbiy futbolchilar ko‘p emas, aqlli yugurishi va to‘pni imkon qadar kam yo‘qotishi muhimligini ta’kidladi. 🗣 Jamoa sardori Eldor Shomurodov esa mundialdagi debyut uchrashuvidan keyin futbolchilarda bosim qolmaganini aytdi. Uning so‘zlariga ko‘ra, jamoa Portugaliyaga emas, o‘z o‘yiniga e’tibor qaratadi va maydonga faqat ijobiy natija uchun chiqadi. 🇺🇿⚔️🇵🇹 O‘zbekiston — Portugaliya uchrashuvi 23-iyun kuni Toshkent vaqti bilan soat 22:00 da boshlanadi.
