#အင်္ဂါသားသမီး အသက် ၃၉-နှစ် ၊ ၄၇-နှစ် ဆိုတာ ဘုမ္မိကြီး ကျရောက်တဲ့ အသက် ဖြစ်ပါတယ်။ အင်္ဂါဂြိုဟ်သက် ၈-နှစ် ရှိပါတယ်။ အင်္ဂါဂြိုဟ်သက် ၈-နှစ်ကို ဗုဒ္ဓဟူးဂြိုဟ်သက် ၁၇-နှစ် ထည့်ပေါင်းရင် အင်္ဂါသားသမီး အသက် ၂၅-နှစ်အတွင်းဟာ ဗုဒ္ဓဟူးဂြိုဟ်အိပ် ၊ ဂြိုဟ်စားကာလဖြစ်ပါတယ်။ ဗုဒ္ဓဟူးဂြိုဟ်စားသည့် အသက် ၂၅-နှစ်ကို စနေဂြိုဟ် ၁၀-နှစ် ထပ်ပေါင်းသောအခါ ၂၅ + ၈ = ၃၅ ရသဖြစ် အင်္ဂါသားသမီး အသက် ၃၅-နှစ်ထိဟာ စနေမှာ ဂြိုဟ်စား ၊ ဂြိုဟ်အိပ် ကာလဖြစ်ပါတယ်။ အဲဒီ ၃၅-ကို ကြာသပတေးဂြိုဟ်သက် ၁၉-နှစ် ထပ်ပေါင်းသောအခါ ၃၅ + ၁၉ = ၅၄ ရပါတယ်။ အင်္ဂါသားသမီး အသက် ၃၅-နှစ် ကနေ ၅၄-နှစ်အတွင်း ကြာသပတေးဂြိုဟ်အိပ် ၊ ဂြိုဟ်စား ကာလဖြစ်ပါတယ်။ ကြာသပတေးဂြိုဟ်သည် အနောက်အရပ်တွင်ရှိပြီး အင်္ဂါသားသမီးတို့အတွက် ဘုမ္မိဂြိုဟ်လည်းဖြစ် ၊ ဘုမ္မိအရပ်လည်းဖြစ် ၊ ကြာသပတေးသက်ရောက်ကျတဲ့အခါ ဘုမ္မိသက်ရောက် ၊ ကြာသပတေးမှာ ဂြိုဟ်အိပ် ၊ ဂြိုဟ်စားသော အသက်အပိုင်းအခြားကိုတော့ ဘုမ္မိကာလ ၊ ဘုမ္မိနယ်မြေလို့ ခေါ်ပါတယ်။ ပြောလိုတာက အင်္ဂါသားသမီးများ အသက် ၃၉-နှစ် ၊ ၄၇-နှစ် အရွယ်ဟာ ကြာသပတေးဂြိုဟ်စား ၊ ဂြိုဟ်အိပ် အသက်တွေပါ အဲဒီ အသက် နှစ်မျိုးကို ၈-ခု နဲ့ စားတဲ့အခါ ၇-ကြွင်းတာကြောင့် (၇)ခွင်ဘုမ္မိလို့ ခေါ်ပါတယ်။ ဒါကတော့ သက်ရောက်တဲ့နှစ် ၁-နှစ် ထဲကို ခေါ်တာပါ။ တွက်ကြည့်ပါ - အင်္ဂါသားသမီးများဟာ အသက် (၃၉ ၊ ၄၇) နှစ်အရွယ်ဟာ ကြာသပတေးဂြိုဟ်စားကြုံ ၊ (၇)ခွင်ဘုမ္မိ ပါထပ်ကြုံရတာဖြစ်လို့ သူ့ကို ဘုမ္မိကြီး လို့ ခေါ်ပါတယ်။ ဘုမ္မိကြီး ဆိုတာ ဘုမ္မိလေးနဲ့ ဘုမ္မိ ပေါင်းထားတာကို ခေါ်တာပါ။ မွေးနံရဲ့ (၄)ခွင်မြောက်မှာ ဂြိုဟ်အိပ်ရင် ဘုမ္မိကြီးကာလ၊ (၇) ခွင်မြောက်မှာ သက်ရောက်ရင် ဘုမ္မိကြီးတည့်တည့် တစ်ဘဝလုံးရဲ့ အဆိုးဆုံးကာလ ၊ ဒီဘုမ္မိကြီး မကျော်ဖြတ်သမျှ လူမပီသသေးဘူး ၊ မကြီးပွားသေးဘူး ၊ ကြီးပွားလည်းခဏပဲ မမြဲဘူးလို့ ရှေ့ဆရာကြီးများ မှတ်ချက်ထားခဲ့ပါတယ်။ အရင်က ပြောပြောနေတဲ့ အင်္ဂါသားသမီး အသက် ၃၉-နှစ် ၊ ၄၇-နှစ် ၊ ၅၅-နှစ် သက်တမ်းသမားတွေ တနင်္ဂနွေနေ့ ညနေ ၃-နာရီအချိန်မှာ ရေသန့် ၆-ခွက် ၊ ရွက်လှ ၄-ညွန့် အိမ်ဘုရား၌ လှူဒါန်း၍ လေးလေးနက်နက် ဆုတောင်းပါ။ အဲဒီအထဲမှာ ၅၅-နှစ် အင်္ဂါတွေပါနေတယ်။ ၅၄-နှစ် အထိပဲ ဘုမ္မိဂြိဟ်စားကို ၅၅-နှစ်ကျတော့ ဘာလို့ ဘုမ္မိကြီးထဲထည့်ထားတာလဲလို့ မေးလာရင်- အင်္ဂါသားသမီးတွေဟာ အသက် ၃၉-နှစ်မှာ ပထမဆုံး ဘုမ္မိကြီးကာလကို တွေ့ကြုံရပါတယ်။ ၃၉-နှစ်ဟာ သက်ရောက်တနင်္ဂနွေဖြစ်လို့ ဦး-ညို အပြင်ရန် ပူးတွဲနေပါတယ်။ ဒါကြောင့် အမှုအခင်းပြဿနာ ရင်ဆိုင်ရတယ်။ စီးပွားရေးသမားများအဖို့ အတိုက်အခံတွေ့ရတတ်ပါတယ်။ အစိုးရဝန်ထမ်းဆိုရင် အမှုပြဿနာ တွေ့ကြုံရတတ်တယ်။ ဒီကာလမှာ စည်းစိမ်၊ ရာထူး၊ ဂုဏ်သိက္ခာ ထိခိုက်လွယ်တယ်။ ကျန်းမာရေးလည်း စိုးရိမ်ရတယ်၊ ခါးပိုက်နှိုက်ခံရ၊ ငွေပစ္စည်းပျောက်၊ အခိုးခံရတာတွေ ဖြစ် တတ်တယ်။ မိသားစုထဲမှတစ်ဦးဦး ကျန်းမာရေးစိုးရိမ်ရတတ်ပါတယ်။ အသက် ၄၇-နှစ် ဒုတိယအကြိမ် ကျရောက်သည့် ဘုမ္မိကြီးကာလဟာ ပထမအကြိမ် အသက် ၃၉-နှစ်က မခံစားရသေးတဲ့ ဒုက္ခတွေပါ ရောထွေးလာတတ်ပါတယ်။ ရုတ်တရက် ဘေးတွေ့ ၊ အမှုဖြစ် ၊ ထောင်ကျ သို့မဟုတ် အလုပ်ပြုတ် ၊ ပြောင်းရွှေ့တာတွေ ဖြစ်တတ်ပါတယ်။ ရောဂါရှာ လို့မရတဲ့ ပယောဂဆန်ဆန် ရောဂါထူးတွေ ဖြစ်တတ်ပါတယ်။ အသက် ၅၅-နှစ်ဟာ ဘုမ္မိကြီးကာလလွတ်ပေမယ့် ဘုမ္မိကြီးအရှိန် မကုန်သေးဘဲ ဂြိုဟ်အိပ်ကြီးအကူးအပြောင်းအနေနဲ့ ထွက်ခတ်ခတ်ပြီး နာ တာရှည်ရောဂါ၊ ရုတ်တရက် ဘေးဆိုးကြုံတာ ဂုဏ်သိက္ခာကျ အရှက်ကွဲ တာ၊ အလုပ်၊ အိုးအိမ် ဆုံးရှုံးတာတွေ တွေ့ကြုံရတတ်တယ်။ ဒါကြောင့် အထူးမှာကြားချက်အဖြစ် - အင်္ဂါသားသမီးမည်သူမဆို အသက် (၃၉၊ ၄၇၊ ၅၅) နှစ်အရွယ်တွင် စီးပွားဥစ္စာကျဆင်းခြင်း ၊ အရှက်တကွဲ အကျိုးနည်းခြင်းများ ကြုံရတတ်ပါသည်။ ထို့သို့မဖြစ်စေရန် တနင်္ဂနွေနေ့ ညနေ (၃)နာရီတွင် ရွက်လှ(၄)ညွန့် ရေသန့် (၆)ခွက် အိမ်ဘုရား၌ လှူဒါန်း၍ လေးလေးနက်နက် ဆုတောင်းပါ။ ထိုသို့ ပြုလုပ်မှသာလျှင်အထက်က ဖော်ပြခဲ့သော အညံ့များ ပြေပျောက်သွားပါလိမ့်မယ်။ ဒါက အင်္ဂါတို့ကို တနင်္ဂနွေနေ့ရောက်ပြီဆို အန်တီ သတိပေးနေကျ ယတြာပါ။ မဟာဘုတ်အကြွင်းဖွားတွေမပါ ၊ အင်္ဂါသားသမီးမည်သူမဆို အသက် (၃၉၊ ၄၇၊ ၅၅)နှစ်သည် တနင်္ဂနွေသက်ရောက်နှစ်ဖြစ်ပါတယ်။ တနင်္ဂနွေသက်ရောက် နဲ့ အင်္ဂါသားသမီးဆိုတာ (ဦးညို) အပြင်ရန်နှင့် (၇)ခွင်ဘုမ္မိဖြစ်သောကြောင့်အတိုက်အခံ ရန်ပြုသူပေါ်လာတတ်သည်။ အမှုအခင်း ဖြစ်ရတတ်သည်။ ဆေးကုသရခက်ခဲတတ်သည်။ သူခိုး၊ ဓားပြရန်တွေ့ရတတ်သည်။ ကျန်းမာရေးညံ့ရတတ်သည်။ သွေးထွက်သံယို ဖြစ်ရတတ်သည်။ ရုတ်တရက် 6သဆုံးရတတ်သည်။ နောက်တစ်ခုကတော့ မဟာဘုတ်အကြွင်းဖွား ပါလာပါပြီ - အပိုင်း၁ ကောင်းကျိုးလိုရာဆန္ဒများပြည့်ဝကြပါစေ.#တားရော့၊ဗေဒ၊လက္ခဏာ #၇ရက်သားသမီးများကျန်းမာကြပါစေဗျာ #အဂ်ါသားသမီးများအတွက် #စေတနာကောင်းရင်ကံကောင်းမည် - @sayarmoe539