@haykal210: Hadaad ogaan lahayd sidaan ku jecelahay, waxaad ogaan lahayd in jacaylkaygu uusan ahayn hadal la yiraahdo , balse uu yahay mid ku qoran qalbigayga meel aan laga tirtiri karin. Waa dareen i wehliya hurdada iyo soo jeedka, waa mid ila jira marka aan aamuso iyo marka aan hadlo. Mar kasta oo aan ka fikiro adiga, qalbigaygu wuu deggaa, duniduna waxay ii noqotaa meel qurux badan oo la noolaan karo. Hadaad ogaan lahayd sida aan kuu jeclahay, waxaad fahmi lahayd in murugadaada ay iga tahay xanuun aan iga go’in. Ilinta kaa qubata waa mid qalbigayga ku daadata, welwelka ku hayaana waa mid aniga igu sii laba jibbaarma. Waxaan rabaa inaan noqdo qofka kaa qaada culeyska, kaa tirtiira murugada, kaa dhiga mid mar walba faraxsan oo degan. Farxaddaada ayaan ka helaa nolol, qosolkaagana waxaan u arkaa hadiyadda ugu qaalisan ee aan helo. Jacaylkaygu waa mid daacad ah, mid nadiif ah, mid aan dano ku dhisnayn. Ma jecli kaliya muuqaalkaaga ama erayadaada, balse waxaan jeclahay qalbigaaga, naxariistaada, iyo sida aad iiga dhigto qof ka wanaagsan kii aan ahaa. Waxaad igu abuurtay rajo cusub, waxaad iga dhigtay qof ku farxa wax yar, qof ku mahadnaqa jiritaankaaga. Hadaad ogaan lahayd sidaan ku jecelahay, waxaad arki lahayd in mustaqbalkeyga aan ku sawirto adiga. Riyo kasta oo aan leeyahay, waxaad ku leedahay meel gaar ah. Waxaan jeclahay inaan kula wadaago farxad, murugo, guul iyo guuldarro, si aan u noqono laba qalbi oo isku tiirsan oo midba midka kale u ah hoy iyo nasasho Mcn😭🫂❤️.#caashaqa #jacayl🔐 #haykal #somalilandtiktok💚🤍❤

HayKAL🐒🦝

Open In TikTok:

Region: SO

Tuesday 23 June 2026 11:26:28 GMT