@faith78900: 🌾🍞 الدرس الثالث: تفعيل الخميرة الطبيعية (الستارتر) بعد ما اتعلمنا كيف نعمل الخميرة الطبيعية أو الستارتر، مهم جداً نعرف كيف نفعّلها بعد ما تكون محفوظة في الثلاجة، عشان تكون جاهزة لصناعة خبز الساوردو. 🌱 شنو يعني تفعيل الستارتر؟ التفعيل هو ببساطة تغذية الستارتر وإعطاؤه الوقت الكافي عشان يصحى ويرجع نشط وقوي بعد فترة الراحة في الثلاجة. أنا شخصياً استخدمت نسبة ١:٢:٢، وهي من النسب الممتازة للتفعيل: ✔️ معلقتين ستارتر ✔️ ٤ معالق دقيق ✔️ ٤ معالق موية نخلطهم كويس ونغطي البرطمان غطا غير محكم، ونخليه في درجة حرارة الغرفة. ⏰ بعد عدة ساعات، حتبدوا تلاحظوا: 🫧 فقاعات كثيرة 📈 ارتفاع في حجم الستارتر 👃 ريحة حمضية خفيفة ولطيفة لما يتضاعف حجمه ويكون مليان فقاعات ونعمل اختبار الطفو، بيكون جاهز للاستخدام. وفي الدرس الجاي إن شاء الله حنتعلم كيف نضيف الستارتر الجاهز لباقي مكونات الخبز، ونبدأ رحلة العجن والتخمير وصناعة أول رغيفة ساوردو ناجحة 🌾✨🤎 #خميرة_طبيعية #ساوردو #خبز_الخميرة_الطبيعية #خبز #الخميرة_الطبيعية

Defo Mohammed :

متعب صراحه الخبز اشتري جاهز وخلاص وبس

Wafa Yagoob :

حمااااس إني اعملها 😍😍 ان شاءالله اقدر ازبطها

سميه ابراهيم :

عملت الخميره والليله زادت من أسبوعين وبقت رهيبه 🥰🥰🥰🥰🥰متحمسة اعمل اول خبزه ساوردو 🥰

Fatooma :

تشبهه واحدة اسمها نهضة

ZinaB :

أنا مطبقة خطواتك بالحرف لانو نفسي أجرب الساوردو الليلة اليوم السادس لخميرتي سميتا لولو 🤣

شهدبت علوية|shahd kitchen🇸🇩 :

عملتها قبل وعملت العيش ونجح الحمد لله بس ما احسن حاجة

Asoom Asoom ❤🇸🇩💪 :

ايمو السعل ❤

🌹Rose🌹 :

وواي طولتي خلاص علمينا الخبز

𝐖ℯ𝗓𝑎❤️WdElhassan🌷 :

ايمان اديني حته عيشه🥲🥲

كوزمتك عالم الانوثه :

انا بحبك. جدآ والله وصوتك ده رهيييب م شاءلله استفتا من صفحتك دي كتير عقبال اتعلم منك كل شي

Romantic :

طيب اول مرة كيف اعمل خميرة الاستارتر

OmniaReel :

عملت الخميرة والليلة السماية سميتها شوشو 😍😍💜 السماية متأخرة عشان كان م نجحت م اكون تعبت ساي ف الاسم 🤭🤭😂

_99krl :

كيف ممكن نعمل بيها البيتزا الايطالية الاحترافية

🎗(💫Abeer💫)🎗 :

طيب كيف طرق حفظها لفترة طويله

Shosho Shosho :

مره جربتها ونجحت وعملت منها خبز الساوردو ونجح الخبز بس طعمو م عجبني

mno 78 :

طيب يا ايمو انا المرة الفات طريقة الخميرة بالي م طال ليها بس فهمت الحاصل لكن م بتحمض الخميرة

سميه ابراهيم :

ايمان ماشاء الله تبارك الله 🥰حبيت عندك الساوردو جداااا ومتحمسه اعمل اول ساوردو ♥️وياريت تعملي لينا بي البُر او القمح الكامل ولأنه سريع التخمير انا خايفه م اقدر ازبطو 🥺

Einas Dabbal :

ماف وحده جربت تعمل ساوردو من العجين المر بتاع الكسره حاسه نفس الفكره 😁

Deeda ♥️♥️ :

طيب ي ايمووو اكيد حفظتيني😂😂😂، عندي سؤالين انا في عطبرة وياهو الدقيق المتاح دقيق السودان حق سيقا اسمو الأول هل هو مناسب اعمل بيهو الساوردو،،، تاني حاجة انا الحلة بتاعت الساوردو دي م عندي،. عندنا الكنتوش البعملو فيها امهاتنا العصيدة ب غطاها🤣🤣 ينفع اعمل بيها؟؟ وهل ينفع اختو ف الفرن ساي،. جاوبي على أسئلتي دي عشان لو ممكن،. طوالي بكرة اعمل خميرتي متحمسة ليها وامي ذاتا استحميت معاي😂😂 وانا بحبك جدا جدا والله والبركة في الشوفه

كاندي :

تخصصك كيمياء ي آنسة ايمان؟

ْ :

Zola 🇳🇴 :

طيب باقي الخميره حتعملي بيها شنو

توليب 🌷 Tulips :

الخميرة اول ما عملتها كانت متفاعلة جدا وختيتا في التلاجة لكن بعداك قدر ما حاولت افعلها حلفت كان تقوم تاني ما عارفة المشكلة وين 🥺

ايثار الهدي :

بتعمل دكتورة حباب