@najam.aldin.adoum: كُل نظرة فيها إهـتمام كُل كلمة فيها صدق كُل موقف فيه وقفة جمـيلة بتتسجل في الرصيد، والحقيقة البسيطة البنهرب منها أحياناً : كُل ما هو مُتبادل مُستمر لإنـو العلاقة البتقوم على طرف واحد بيدي والتاني بس بـاخد. بتتعب مع الزمن، حتى لو كـانت جميلة، بتفقد توازنها، وبتبدأ تميل في جهة واحدة لحدي ما تقـع. لكن لما يكون في تبادل حقيقي ما بتكون العلاقة شغل حسابات، و بتـكون مُـرتاح. تدي بدون خوف، تـلاقي بدون ما تطلب. تتكلم بدون ما تتـحرج، و تغـيب وترجع تلقى نفس المكان دافئ. المُتبادل ما شرط يكون مُتساوي في كُـل لحظة. لكن لازم يكون مـوجود في الأصل. يوم تكون بتـدي أكتر، ويوم بتلقى أكتر. لكن الإحساس العام إنـو في حياة راجعة ليك. أخطر حاجة في العلاقات لما تتحول لجهة واحـدة : شخص شايل، والتاني مُتعـود. شخص بـحاول، والتاني شايـف إنو ده الطبيعي. و النتـيجة..؟ القلب بنطفـيء شوية شوية، و الإهـتمام بـبرد بدون ما تـحس. عشان كدا العلاقات الصـاح عُمـرها ما بتقاس بكتـرت الكلام، ولا بكثـرو الوجـود بتتـقاس بالرد، بالتـفاعل. و الأجـمل دائماً، لما تلقى زول فاهم إن العـطاء ما إستنزاف، و إنـو العلاقة ما ساحة طرف واحد. و إنـو الإتنين مع بعض بـخلقوا توازن يخلي كـُل حاجة تـستمر بينـهم. #بعض_من_اللطف كُل ما هو مُتـبادل مُستمر.. ♥️ #خواطر_رومانسية #خواطرنجم #كلام_من_القلب #خواطر_حزينة