ကျောင်းဆရာ/မဖြစ်လာပြီးနောက်ရရှိလာသော အကျိုးရလဒ်များမှာ - ၁)စိတ်ရောလူပါနှစ်၍လုပ်ရသောအလုပ်ဖြစ်သဖြင့် စာသင်ချိန်တစ်ချိန်ပြီးတိုင်း အလွန်ပင်ပန်းနွမ်းနယ်ခြင်း (၂)ကျောင်းသား ၂၀ ရှိလျှင် အကျင့်စရိုက်အမျိုးပေါင်း ၂၀ ရှိကြသဖြင့် ၎င်းတို့၏အခြေအနေအကျင့်စရိုက်ကိုလိုက်၍ ချော့ရ ခြောက်ရ အော်ရ ငေါက်ရခြင်းကြောင့် စိတ်အတက်အကျမြန်လာခြင်း (၃)နေ့စဥ်နေ့တိုင်း အများကြားအောင် အော်ပြောနေရသဖြင့် ရောက်လေရာအရပ်တွင်အသံဗြဲကြီးနှင့် အော်ပြောတတ်လာခြင်း (၄)သင်ခန်းစာများကို အရိုးကြေကြေအရေခမ်းခမ်းသင်ပြီးသော်လည်း စာပြန်မေးလျှင် အတိတ်မေ့သလိုလို ရွှေပျောက်သလိုလို လုပ်ပြနေသောကျောင်းသားများကြောင့် ဒေါသများငယ်ထိပ်တက်ကာ စိတ်တိုရခြင်း (၅)ထို့ပြင် ထစ်ခနဲရှိလျှင်စိတ်တိုကာ မိမိ၏မိသားစုဝင်များကို ဒေါသဖြင့်အော်ဟစ်ပြောဆိုမိသောကြောင့် အိမ်တွင်းစစ်ပွဲများမကြာခဏဆင်နွှဲရခြင်း (၆)နေ့စဥ်နေ့တိုင်း အော်ဟစ်ပြောဆိုကာ ဘီလူးဆိုင်းတီးနေရသဖြင့် ပတ်ဝန်းကျင်မှ မိမိကို အဖြူအစိမ်းဝတ်ထားသောဘီလူးမကြီးဟု မြင်လာခြင်း (၇) မိမိ၏သားသမီးအခြေအနေကိုမသိဘဲ စာမရလျှင်ဆရာမအပြစ်ဟုသတ်မှတ်ကြသော ကျောင်းသားမိဘအချို့ကြောင့် မိမိကိုယ်ကိုယ်ပြန်လည်သုံးသပ်ကာ စာသင်ကြားမှုစွမ်းရည်တိုးတက်အောင်သင်နည်းအသစ်များစဥ်းစားရသဖြင့် ဆံပင်များကျွတ်လာပြီးနဖူးပြောင်လာခြင်း 😁 (၈)လစဥ်လတိုင်း လမကုန်ခင် လစာကြိုကုန်သဖြင့် Anonymous ၏ ထားလိုက်ပါ သီချင်းထဲကစာသားကဲ့သို့စစ်မရောက်ခင်မြှားကုန်သည့်ဒဏ်ကို ခံနိုင်ရည်ရှိလာခြင်း စသည် စသည် စသည် တို့ ဖြစ်ကြပါသည်။😊😊 #Crd #မူလတန်းပြဆရာမလေး😍😍😍 #G4 #မြင်ပါများပီးချစ်ကျွမ်းဝင်အောင်လို့🤒🖤 #100k - @mya.khwar.nyo220