@trustlink.deals: တခါတလေ စဉ်းစားမိတယ်..အိမ်က သက်မဲ့ ပစ္စည်းတွေက ကိုယ် မသိလိုက်တဲ့ အချိန်မှာ အသက်ဝင်နေကြသလားလို့လေ။ မကြာမီ လက ကုန်တော့မှာမလား… ဒီမနက် သွားတိုက်မယ်ဆိုပြီး သွားတိုက်ဆေးဘူး ကိုင်ကြည့်လိုက်တော့ ပုံထဲက အတိုင်း ကုန်တော့မယ့် အနေအထား ဖြစ်နေပြီ..လကုန်ရက်ရောက်ပြီဆို သူလည်း ကုန်တော့မှာလေ… သူတင်ပဲလားဆိုတော့ မဟုတ် မျက်နှာသစ် ဆပ်ပြာဘူးကလည်း ခေါင်းကြီးပြီး အောက်ပိုင်း ဘော်ဒီက ခဲဆံတချောင်းလောက် ကောင်းကောင်း ဝင်နေလို့ရတဲ့ ဆိုဒ်ဖြစ်နေပြီ..သူလည်း မကြာဘူး..လနဲ့အတူတူ ကုန်ဖို့ရှိတယ်။ ဒါနဲ့ အဝတ်လျှော်ဦးမယ် ဆိုပြီး ဆပ်ပြာမှုန့်ထုပ် ယူပြီး ဖွင့်ကြည့်လိုက်တော့ ဟိုး အိတ်အောက်ခြေမှာ ကပ်နေလိုက်ကြတာများ တောင်းတောင်းပန်ပန်နဲ့ ခွါယူရမယ့် အခြေအနေဖြစ်နေပြီ။ သူကတော့ လကုန်တောင် မစောင့်ပဲ သူအရင်ကုန်မယ့် သဘော… ရေချိုးပြီး Roll-on လိမ်းမလို့ ပုလင်းကို ကြည့်လိုက်တော့မှပဲ အမြင်ကြည်သွားတော့တယ်… ကြည်မှာကိုး ပုလင်းထဲ အရည်က ရှိသလိုလို မရှိသလိုလို မမဆောင်းဆန်နေတာ…ဒါဆိုလည်း ရေမွှေးလေးပဲ ဆွတ်တော့မယ် ဆိုပြီး ရေမွှေးပုလင်းကိုင်ကြည့်တော့ သူလည်း ကျိုးတိုးနဲ့ ကြဲတဲပဲ ကျန်တော့တယ်… အဆင်ပြေသလို ချွေတာဆွတ်ပြီး အပြင်သွားဖို့ shoe ဖိနပ်စီးဖို့ ပြင်တော့ အရင်ရက်တွေက မိုးရေထိထားတာရော၊ ဖိနပ်သက်တမ်းကြာလာတာရောပေါင်းပြီး ဟိုနားက ကွာပြ၊ ဒီနားက လန်ပြနဲ့မို့..အိမ်စီး ဂျပန်ဖိနပ်လေးပဲ ပြောင်းစီးလိုက်ရတော့တယ်… မိုးတွင်းစီး ဖိနပ်ကတော့ ချစ်တို့ရေ ဝယ်ကို ဝယ်ရမယ် ဆိုတဲ့ စကားသံလိုမျိုး နားထဲဝင်လာတာ.. အကျဉ်းချုပ်လိုက်ရင်တော့ လကုန်တဲ့ရက်နဲ့ အပေါ်က ပစ္စည်းတွေ ကုန်မယ့်ရက်နဲ့က တော်တော့်ကို တိုက်ဆိုင်နေတာမို့…ကိုယ်မသိခင် အသက်ဝင်ပြီး အတူတူ ကုန်ကြဖို့ တိုင်ပင်ထားသလား အောက်မေ့ရလောက်အောင် အခြေအနေနဲ့ အချိန်အခါက တော်တော်လေး သွားကိုက်နေကြတာ… မတတ်နိုင်ဘူးလေ..ဒီလလည်း အကြွေးဆပ်လိုက်၊ ကိုယ့်အတွက်ကိုယ် ပြန်ဖြည့်လိုက်နဲ့ပဲ ရုပ်ချောချောလေးနဲ့ သံသရာလည်လိုက်ဦးမယ်.🤌🏻 #creatorsearchinsight #HLK #friday #fyp

393

There are no more comments for this video.

To see more videos from user @trustlink.deals, please go to the Tikwm homepage.