တကယ်လို့ သင့်သားသမီးက သင့်ကို ဘာမှ ပတ်သက်ချင်စိတ် မရှိတော့ဘူးဆိုရင် သူတို့ကို လွှတ်ပေးလိုက်ပါ။ စိတ်ပျက်လက်ပျက်နဲ့ သူတို့နောက်ကို လိုက်မဆွဲပါ နဲ့။ ဒါမှမဟုတ် ကိုယ့်ကိုယ်ကိုယ် နှိမ့်ချပြီး အတင်းအကျပ် တောင်းပန်မနေပါနဲ့။ စကားနားမထောင်ချင်တဲ့သူတွေဟာ အချိန်တန် ရင် သူတို့ဘာသာ သင်ခန်းစာရသွားပါလိမ့်မယ်။ စစ်မှန်တဲ့ မေတ္တာဆိုတာ အတင်းအကျပ် လုပ်ယူလို့ မရပါဘူး။ အပြုအမူတွေကတစ်ဆင့်သာ သက်သေပြရတာ ပါ။ သည်းခံခြင်းနဲ့ တိတ်ဆိတ်ငြိမ်သက်ခြင်း ဟာ တစ်ခါတစ်ရံမှာ လွှတ်ပေးလိုက်ခြင်းရဲ့ အစိတ်အပိုင်းတစ်ခုပါပဲ။ မိဘတစ်ယောက်အနေနဲ့ သင့်ရဲ့တာဝန်ဟာ ပြီးမြောက်ခဲ့ပါပြီ။ အဲဒါကတော့ သူတို့ကို ပြုစုပျိုးထောင်ပေး ဖို့၊ ဂရုစိုက်ဖို့နဲ့ ဘာက အမှန်တရားလဲဆိုတာ သင်ကြားပေးဖို့ပါပဲ။ တကယ်လို့ သင်ဟာ မေတ္တာတွေ၊ တန်ဖိုးရှိတဲ့ အဆုံးအမတွေန့ စံနမူနာကောင်းတွေကို ပေးခဲ့ ပြီးပြီဆိုရင် နောင်တတွေ၊ အပြစ်ရှိစိတ်တွေကို သယ်ဆောင်မထားပါနဲ့တော့။ ဘဝဆိုတာ အရာအားလုံးကို သူ့နေရာနဲ့သူ ဖြစ် အောင် ဘယ်လိုလုပ်ရမလဲဆိုတာ သိပြီးသားပါ။ ရင့်ကျက်မှုတွေ ရောက်လာတဲ့အခါ သူတို့ဟာ သင့် ရဲ့စကားတွေကို နားလည်လာပါလိမ့်မယ်။ တကယ်လို့ သူတို့ ပြန်မလာခဲ့ရင်တောင်မှ သင် ဟာ သင့်ရဲ့တာဝန်ကို မေတ္တာနဲ့ ပြည့်ပြည့်ဝဝ ထမ်း ဆောင်ခဲ့ပြီးသား ဖြစ်ပါတယ်။ သူတို့ရှေ့မှာ သင့်ကို ရှုံးနိမ့်နေသူတစ်ယောက် အဖြစ် အမြင်မခံပါနဲ့၊ အေးချမ်းနေသူတစ်ယောက် အဖြစ်သာ ရှိနေပါ။ သင့်ရဲ့ တည်ငြိမ်မှုဟာ အဝေးကနေ သူတို့အတွက် အကြီးမားဆုံး သင်ခန်းစာ ဖြစ်လာပါလိမ့်မယ်။ တစ်ခါတစ်ရံမှာ တိတ်ဆိတ်ခြင်းက အဆုံးအမတွေ ထက် ပိုပြီး သင်ကြားပေးနိုင်ပါတယ်။ ပြီးတော့ သိက္ခာတရားဆိုတာ စကားတစ်ခွန်းမှ မ ပြောဘဲနဲ့လည်း သက်သေပြနေတတ်တာမျိုးပါ။ သူတို့ကို အာဃာတမထားဘဲ လွှတ်ပေးလိုက်ပါ၊ ဘာဖြစ်လို့လဲဆိုတော့ အစစ်အမှန် ချစ်တတ်တဲ့သူ တွေဟာ ကိုယ်စိုက်ပျိုးခဲ့တဲ့ မျိုးစေ့ရဲ့ အစွမ်းသတ္တိကို ယုံကြည်ကြလို့ပါပဲ။ တကယ်လို့ တစ်နေ့နေ့မှာ သူတို့ ပြန်လာခဲ့မယ်ဆို ရင် အပြစ်တင်တာမျိုး မလုပ်ဘဲ ကြိုဆိုလိုက်ပါ။ ဘာဖြစ်လို့လဲဆိုတော့ စစ်မှန်တဲ့မေတ္တာဟာ လက်စားချေဖို့ မရှာဖွေတတ်ဘူး၊ ငြိမ်းချမ်းမှုကိုပဲ ရှာဖွေတတ်လို့ပါပဲ။ ** ဘာသာပြန် ရေးသားဖော်ပြပါသည်။ #credit - @umt949