សម័យបច្ចេកវិទ្យា ការបង្កើតមាតិកា (Content) ដើម្បីរកចំណូលពិតជាមានភាពទូលំទូលាយ ប៉ុន្តែវាក៏កំពុងតែរុញច្រានសង្គមឱ្យធ្លាក់ចុះនូវតម្លៃសីលធម៌បន្តិចម្តងៗផងដែរ ប្រសិនបើអ្នកបង្កើត Content គិតតែពីផលប្រយោជន៍ផ្ទាល់ខ្លួនហួសហេតុពេក។ ដូចដែលបានឃើញការវែកញែកនៅក្នុងរូបភាព នេះស្រាប់ ការយកបញ្ហាទំនាស់ក្នុងគ្រួសារ រឿងប្តីប្រពន្ធ ឬការធ្វើជាលេចធ្លាយវីដេអូទាស់ទែងគ្នា ដើម្បីធ្វើជាឈុតឆាកទាក់ទាញការចាប់អារម្មណ៍ (Content) រួចបង្វែរមកលក់ផលិតផល ឬដូរយកលុយ គឺជារឿងមួយដែលមហាជនមិនអាចទទួលយកបានឡើយ។ • Content គ្មានព្រំដែន បំផ្លាញតម្លៃសង្គម៖ ការសម្តែងបែប «សម្តែងធ្វើជាឈ្លោះគ្នា ឬក្បត់ចិត្តគ្នា» ដើម្បីតែល្បី ពិតជាមានឥទ្ធិពលអាក្រក់ខ្លាំងណាស់ដល់អ្នកទស្សនា ជាពិសេសយុវជនជំនាន់ក្រោយ។ វាធ្វើឱ្យតម្លៃនៃពាក្យថា «គ្រួសារ» ក្លាយជារឿងលេងសើច និងអស់ជំនឿចិត្តលើគ្នា។ • ការទទួលខុសត្រូវរបស់ម្ចាស់ប្រេន៖ ក្រុមហ៊ុន ឬម្ចាស់ផលិតផលនានា ក៏គួរតែមានការពិចារណាឡើងវិញក្នុងការជ្រើសរើសអ្នកផ្សព្វផ្សាយពាណិជ្ជកម្ម។ ប្រសិនបើនៅតែបន្តគាំទ្រ Content បែបអវិជ្ជមានទាំងនេះ វានឹងធ្វើឱ្យតម្លៃប្រេនរបស់ខ្លួនធ្លាក់ចុះទៅតាមនោះដែរ។ ជីវិតពិតមិនមែនជាឆាកល្ខោនសម្រាប់លេងសើចរហូតនោះទេ កុំដោយសារតែចង់បាន «លុយ» និង «ភាពល្បីល្បាញ» មួយឆាវ រហូតហ៊ានយកកិត្តិយសគ្រួសារ និងតម្លៃសង្គមមកជាន់ឈ្លី។ សង្ឃឹមថាពួកយើងនឹងរួមគ្នាបង្កើត និងគាំទ្រតែ Content ណាដែលមានតម្លៃ និងផ្តល់ចំណេះដឹងពិតប្រាកដដល់សង្គមជាតិ! 🙏បងប្អូនយល់យ៉ាងណាដែរ? - @cambospeech