@adyrnakz: Әлеуметтік желілерде Алматыдан Шымкентке бағыт алған рейстің жолаушылары түсірген видео кеңінен тарап жатыр. Кадрларда әуе кемесінің найзағайлы ауа райына тап болған сәті көрсетілген. Threads желісінде жарияланған жазбаға сәйкес, қолайсыз метеожағдайға байланысты ұшақ Шымкент әуежайына бірден қона алмай, қосалқы аэродромға бағытталған. Жолаушының айтуынша, рейс бастапқыда сағат 22:50-де ұшуы тиіс болған, алайда әуелі жарты сағатқа, кейін тағы 30 минутқа кешіктірілген. Соның салдарынан ұшақ түн ортасына жақын уақытта ғана әуеге көтерілген. Автордың сөзінше, Шымкентке қонуға шамамен 15 минут қалғанда ауа райы күрт бұзылып, әуе кемесі қатты турбуленттік аймаққа тап болған. Ұшақ біраз уақыт шайқалып, бұл жағдай жолаушылардың алаңдаушылығын күшейткен. «Кейбір жолаушылар жылап, дұға оқыды, енді бірі сабыр сақтауға тырысты. Бортсеріктер жағдайдың бақылауда екенін айтып, жолаушыларды тыныштандырды», – делінген жазбада. Кейін экипаж қауіпсіздік мақсатында Тараз қаласындағы қосалқы әуежайға қону туралы шешім қабылдаған. Ұшақ Таразға түнгі сағат екі шамасында жеткен. Жолаушылар әуежайда біраз уақыт күткеннен кейін, Шымкентке қайта ұшу ұйымдастырылған. Алайда жолаушылардың бір бөлігі сапарын жалғастырудан бас тартқан.

2432

There are no more comments for this video.

To see more videos from user @adyrnakz, please go to the Tikwm homepage.