@priawrites006: سرگودھا میں 7 سالہ بچی منتہا کے ساتھ پیش آنے والا افسوسناک واقعہ بھی انہی سانحات میں سے ایک ہے جس نے دل کو ہلا کر رکھ دیا ہے۔ اطلاعات کے مطابق ننھی منتہا گھر سے قریبی دکان پر سامان لینے گئی، لیکن واپس نہ لوٹ سکی۔ بعد ازاں پولیس تحقیقات اور سی سی ٹی وی فوٹیج کی مدد سے بچی کی لاش برآمد ہوئی، جس کے بعد پورا علاقہ سوگ میں ڈوب گیا۔ ایک معصوم بچی کے خواب، اس کی مسکراہٹ، اس کے والدین کی امیدیں، سب کچھ ایک لمحے میں چھن گیا۔ ایسے واقعات صرف ایک خاندان کا نہیں بلکہ پورے معاشرے کا نقصان ہوتے ہیں۔ یہ ہمیں سوچنے پر مجبور کرتے ہیں کہ آخر ہم اپنی آنے والی نسلوں کو کتنا محفوظ ماحول دے پا رہے ہیں؟ بعض خبریں صرف خبر نہیں ہوتیں، پورے معاشرے کے ضمیر پر ایک سوال بن کر دستک دیتی ہیں۔ اس وقت سب سے اہم بات یہ ہے کہ واقعے کی مکمل، شفاف اور غیر جانبدارانہ تحقیقات ہوں اور اگر کوئی مجرم ہے تو اسے قانون کے مطابق ایسی سزا ملے جو انصاف کے تقاضوں کو پورا کرے اور آئندہ ایسے جرائم کی روک تھام میں مددگار ثابت ہو۔ اللہ تعالیٰ ننھی منتہا کو جنت الفردوس میں اعلیٰ مقام عطا فرمائے، اس کے والدین اور اہل خانہ کو صبرِ جمیل عطا فرمائے، اور ہمارے معاشرے کو ایسے دل دہلا دینے والے سانحات سے محفوظ رکھے۔آمین ڈاکٹر اسحاق عالم صاحب نے بہت پیارا جملہ لکھا کہ ابا حضور کو اللہ بخشے، فرماتے تھے "گھر میں بچی کی پیدائش ماں باپ کی ذمہ داری بڑھا دیتی ہے" بیٹیو والوووووو! حساس ہو جاؤ، ورنہ زندگی بھر کا صدمہ ہے۔
