🚨 𝐔𝐏𝐃𝐀𝐓𝐄𝐒! Nyuma ya Yampano, Davis D, Umuhanzi Okkama yatangije intambara y’amagambo kuri Element Eleéeh wamukoreye zimwe mu ndirimbo zamamaye, amwita ‘inkirabuheri’, nyuma y’igihe aba bombi bamaze badacana uwaka. Okkama yabigarutseho mu kiganiro yagiranye na Televiziyo Rwanda, aho yanavuze ko atifuza kongera gukorana na Element Eleéeh mu bijyanye no gutunganya indirimbo ze. “Element njye ntabwo azongera kunkorera indirimbo. Nta kindi kibazo gihari. Yampano yarabivuze abantu bamwita umusazi. Akeneye guca bugufi akareka kwishyira hejuru cyane.” “Navuga ko yabaye inkirabuheri. Yagize aho agera abifashijwemo n’abantu, ariko nyuma arahinduka.” “Mfite indirimbo yanjye yitwa ‘Besto’. Nari maze gukora amashusho yayo, musabye uburenganzira bwo kuyisohora ansubiza ibintu byantunguye. Yarambwiye ati ‘ikibazo cyanyu ni uko mushyira umuntu ku gitutu’. Hanyuma ambwira ko atazayimpa atarasohora iye, ansaba kwihangana.”~Okkama said. Okkama yavuze ko atazi neza icyatumye Element amufata muri ubwo buryo, gusa agaragaza ko hari bamwe mu banyamuziki bagira impungenge cyangwa bakagira ubwoba bw’abahanzi bafite impano zidasanzwe. Mu gihe amakimbirane hagati yabo akomeje kuvugisha benshi, Okkama we ari mu myiteguro yo kwizihiza imyaka itanu amaze mu muziki. Aherutse kandi gushyira hanze album ye ya mbere yise ‘Nyamabara’. ©MideliRwanda - @mideli_rwanda