@lia_llewellyn: Kyle : «ខ្ញុំមានដំណឹងល្អសម្រាប់នាង» នាង​មើល​ក្រដាស​ក្នុង​ដៃ​របស់គាត់ដោយទឹកមុខទទេរ។ វាជាឯកសារដែលមានហត្ថលេខារបស់ អ្នកឧកញ៉ា។ Layla : «គាត់នៅឯណា?» Kyle : «អ្នកឧកញ៉ា? គាត់ចាកចេញទៅឆ្ងាយហើយ» Layla : «ទៅឆ្ងាយ...?» Kyle : «ពួកគេនិយាយាថាគាត់​នឹង​ទៅ​ប្រហែល​បួន​ថ្ងៃ» Layla : «បួនថ្ងៃ...?» Kyle : «ក្នុងពេលនេះយើងអាចចាកចេញបាន អ្នកឧកញ៉ា ផ្ទាល់បានយល់ព្រមលើរឿងនេះ ដូច្នេះគ្មាននរណាម្នាក់នឹងបញ្ឈប់ពួកយើងទេ» Kyle : «កុំបារម្ភអី ឡីឡា ឯកសារនោះមានការសន្យាដែល អ្នកឧកញ៉ា បានធ្វើដោយផ្ទាល់» អ្នកឧកញ៉ា បានសន្យាថានឹងផ្តល់មូលដ្ឋានគ្រឹះសម្រាប់ Layla Llewellyn និងកូនរបស់នាងដើម្បីរស់នៅដោយគ្មានការលំបាក។ វាក៏បានបញ្ជាក់ផងដែរថាគាត់មិនបានធ្វើនេះចេញពីការអាណិតអាសូរ ឬការដាក់ទានឡើយ ប៉ុន្តែគ្រាន់តែចេញពីអារម្មណ៍នៃការទទួលខុសត្រូវ។ ប្រការលម្អិតមួយត្រូវបានបន្ថែមថា នឹងមិនមានការជ្រៀតជ្រែកលើជីវិតរបស់នាងបន្ថែមទៀតទេ លុះត្រាតែ Layla Llewellyn ចង់បានវា។ គាត់ក៏ធានាថាកូនដែល Layla Llewellyn បង្កើត នឹងមានសិទ្ធិជាកូនចៅរបស់ អ្នកឧកញ៉ា Matthias von Herhardt ដោយស្រមច្បាប់។ លោកបានបញ្ជាក់ថា ប្រសិនបើនាងចង់ចិញ្ចឹមកូនដោយគ្មានទំនាក់ទំនងជាមួយឈ្មោះ Herhardt គាត់នឹងទទួលយកចេតនានោះផងដែរ។ ទោះបីជានាងជ្រើសរើសជម្រើសអ្វីក៏ដោយ គាត់នឹងគោរពការសម្រេចចិត្តរបស់ Layla Llewellyn យ៉ាងពេញលេញ។ បញ្ហាផ្សេងទៀតទាំងអស់ត្រូវបានទុកឱ្យ Layla Llewellyn ជ្រើសរើសដោយសេរី។ ប្រសិនបើនាងទៅ Ratz មេធាវីគ្រួសារ Herhardt នឹងជួយបំពេញតាមការសន្យាទាំងនេះ។ ជម្រើស ការគោរព និងសេរីភាព។ ឡីឡា សម្លឹងមើលពាក្យទាំងនោះយ៉ាងយូរ វាជាពាក្យសម្ដីដែលហាក់ដូចជាមិនអាចមានរវាងគាត់ និងនាង។ Kyle : «ខ្ញុំ​មិន​គិត​ថា​យើង​ត្រូវ​ទៅ​ឥឡូវ​នេះ​ទេ ចុះ​ថ្ងៃ​ស្អែកយ៉ាងម៉េចដែរ?» Kyle : «ឡីឡា?» Kyle : «ខ្ញុំយល់ នាងប្រហែលជាភ្ញាក់ផ្អើលខ្លាំង ខ្ញុំក៏ភ្ញាក់ផ្អើលដែរ ប៉ុន្តែ ឡីឡា នេះជាការពិត ដូច្នេះមិនចាំបាច់ខ្លាច ឬស្ទាក់ស្ទើរទេ» ឡីឡា បានដាក់ឯកសារដែលនាងកាន់នៅលើតុក្បែរគ្រែ ហើយដើរចុះពីលើគ្រែដោយប្រុងប្រយ័ត្ន។ ទ្វារ​លែង​ត្រូវ​បាន​ចាក់សោ​ទៀត​ហើយ។ ឡីឡា មិនអាចជឿការពិតដែលនាងមើលឃើញនោះទេ។ ចុងម្រាមដៃរបស់នាងញ័រតិចៗ ពេលនាងប៉ះដៃទ្វារ។ ទ្វារបានបើកយ៉ាងរលូនដោយគ្មានការទប់ទល់អ្វីទាំងអស់។ នាងពិតជាអាចចាកចេញពីគាត់… នាងពិតជាមានសេរីភាព… Kyle : «តើនាងរៀបចំអីវ៉ាន់រួចរាល់ហើយឬនៅ?» Kyle : «តោះទៅ ឡីឡា នាងប្រហែលជានៅតែពិបាកធ្វើចលនា ប៉ុន្តែកន្លែងនោះមិនឆ្ងាយប៉ុន្មានពីទីនេះទេ...» Layla : «Kyle..» Kyle : «នោះជាឥវ៉ាន់របស់នាងទាំងអស់មែនទេ?» Layla : «Kyle ខ្ញុំ…» Kyle : «នាងត្រូវតែចាកចេញពីបុរសនោះ ឡីឡា» Kyle : «ខ្ញុំមិនព្យាយាមបង្ខំនាងឱ្យត្រឡប់មករកខ្ញុំវិញទេ ខ្ញុំដឹងថាវាមិនអាចទៅរួចទេ ឡីឡា» Kyle : «អ្វីដែលខ្ញុំចង់បានគឺឲ្យនាងមានសុភមង្គល ហើយបុរសនោះមិនអាចធ្វើឲ្យនាងនិងកូនសប្បាយចិត្តបានទេ, គិតមើលចុះ ឡីឡា អ្នកឧកញ៉ា ជាមនុស្សបែបណាចំពោះនាង? ឥឡូវនេះ នាងត្រូវបានធ្វើទារុណកម្មដោយបុរសនោះ ដូច្នេះសូមនាងជឿទុកចិត្តលើខ្ញុំបានទេ?» Kyle និយាយត្រូវ។ បុរសម្នាក់ដែលបានធ្វើទារុណកម្ម និងជាន់ឈ្លីនាងតាមអំពើចិត្ត ហើយបង្ករបួសដែលមិនអាចលាងសម្អាតបានសម្រាប់នាង។ វាគ្រាន់តែជាបំណងប្រាថ្នា និងការជាប់ជំពាក់ដ៏ច្របូកច្របល់មួយប៉ុណ្ណោះ។ វាមិនមែនជាស្នេហាទេ… វាមិនអាចជាស្នេហាបានទេ… Kyle បានបើកទ្វារ ហើយពួកគេបានឈានជើងចេញតាមសាលធំដោយគ្រាន់តែឃើញ Marquess Lindman នៅទីនោះ។ Riette : «តើនាងពិតជាមានគម្រោងចាកចេញមែនទេ?» Riette : «អ្នកនាង Llewellyn?» Kyle : «នេះជាអ្វីដែល អ្នកឧកញ៉ា Herhardt បានអនុញ្ញាត វាមិនមែនជាកង្វល់របស់អ្នកទេ» Riette : «Kyle Etman អ្នកក៏ជាភាគីទីបីដែរមែនទេ?» Kyle : «ជៀសចេញ» Riette : «ខ្ញុំមិនបានការពារ Matthias ទេ, គាត់ជាមនុស្សឆ្កួត វាប្រាកដជាគួរឲ្យស្អប់ខ្ពើម និងគួរឲ្យខ្លាចណាស់ ខ្ញុំយល់ ខ្ញុំដឹង ប៉ុន្តែ...» Riette : «ប៉ុន្តែអ្នកនាង Llewellyn យ៉ាងណាក៏ដោយ... គាត់មកទីនេះគឺដើម្បីតែនាងប៉ុណ្ណោះ» Kyle : «Riette!» Riette : «គាត់បានបោះបង់អាពាហ៍ពិពាហ៍ ហើយស្ម័គ្រចិត្តចូលបម្រើក្នុងជួរមុខដ៏គ្រោះថ្នាក់បំផុត ដើម្បីមកទីនេះស្វែងរកនាង» Layla : «អ្វី...អ្នកកំពុងនិយាយអ្វី?» Riette : «តើនាងមិនដឹងទេឬ? អ្នកឧកញ៉ា Herhardt ដ៏អស្ចារ្យបានប្រកាសផ្តាច់ការភ្ជាប់ពាក្យជាមួយគូដណ្តឹងរបស់គាត់ ហើយទោះបីជាមនុស្សគ្រប់គ្នាព្យាយាមបញ្ឈប់គាត់ក៏ដោយ ក៏គាត់នៅតែទទូចស្ម័គ្រចិត្តចូលបម្រើកងទ័ពមួយឆ្ពោះទៅកាន់ជួរមុខដ៏គ្រោះថ្នាក់នេះ ហើយបានមករហូតដល់ Sienne, តើនាងពិតជាមិនដឹងរឿងនេះទេ?» Kyle : «ឡីឡា និង អ្នកឧកញ៉ា Herhardt គ្មាន​អ្វី​ពាក់ព័ន្ធ​នឹង​គ្នា​ទេ​ឥឡូវ​នេះ» Kyle : «កុំ​ស្ទាក់ស្ទើរ​អី ឡីឡា ទោះគាត់​មិន​រៀបការ ​វាមិន​បានផ្លាស់ប្ដូរ​អ្វី​ទេ បុរស​នោះ​នៅ​តែ​ជា Matthias von Herhardt» Layla : «Kyle» Kyle : «បើវាដោយសារតែកូន នាងកាន់តែត្រូវរត់គេចពីគាត់ថែមទៀត នាងគិតថាបុរសបែបនោះអាចក្លាយជាឪពុកល្អបានទេ?» Riette : «សូមមេត្តាផ្ដល់ឱកាសចុងក្រោយដល់ Matthias» Kyle : «តោះទៅ ឡីឡា»

Lia llewellyn

Open In TikTok:

Region: KH

Wednesday 24 June 2026 13:51:55 GMT