@su_p123: समयका थुप्रै लहरहरूले मलाई बगाउँदै, पछार्दै यहाँसम्म ल्याइपुर्‍याएका छन्, जहाँ तिमीबाहेक अरू कुनै सहारा देखिन्न। जिन्दगीको यो मोडमा आइपुग्दा मैले बुझेँ कि मानिसलाई बाँच्नका लागि एउटा बलियो खम्बा चाहिन्छ, र मेरो लागि त्यो खम्बा केवल तिमी हौ। तिम्रो उपस्थिति नै मेरो ओठको मुस्कान र आँखाको चमक हो। यदि तिमी यो यात्रामा मभन्दा अघि बढेर मलाई एक्लै छोडिदिन्छौ भने, मैले आफूलाई कुन दिशामा हिँडाउने? मेरो हरेक प्रार्थना र सोच तिमीमै आएर टुङ्गिन्छ। तिमिलाई गुमाउनु भनेको मेरो लागि केवल एक व्यक्तिको बिछोड होइन, बरु त्यो त "जिन्दगी नै गुमाउनु" हो। कहिलेकाहीँ एकान्तमा बस्दा यो विचारले मात्र पनि मुटु ढक्क फुल्छ र सासमा अवरोध आएझैँ महसुस हुन्छ। तिमी बिनाको जीवन कस्तो होला? सायद एउटा यस्तो मरुभूमि, जहाँ तिर्खा त छ तर पानीको एउटा थोपा पनि छैन। तिम्रो आवाज नलिनु, तिम्रो सामीप्यता महसुस गर्न नपाउनु भनेको एउटा चल्दाचल्दै थुप्रिएको निर्जीव शरीर बन्नु जस्तै हो। म सोच्छु, यदि तिमी मेरो जीवनबाट अलग भयौ भने यो धर्तीमा मेरा पाइलाहरूले आफ्नो ठेगाना कसरी पहिल्याउलान्? हामीले बिताएका ती पलहरू, ती साना-साना कुराकानी र भावनाका साटासाटहरू नै अहिले मेरो बाँच्ने ऊर्जा बनेका छन्। तिम्रो सामिप्यले मभित्र एउटा अद्भूत शान्ति र विश्वास भर्छ। तर जब यो गुम्ने डरले मनलाई घेर्छ, तब संसारका सारा खुसीहरू पनि फिका र अर्थहीन लाग्न थाल्छन्। लाग्छ, तिमी बिनाको भोलि एउटा कालो रात जस्तै हुनेछ, जसको कहिल्यै विहानी हुँदैन। मैले आफ्नो सम्पूर्ण खुसी, सपना र भविष्य तिम्रो नाममा सुम्पिसकेको छु। त्यसैले त, तिम्रो अभाव मेरो लागि सम्पूर्ण अस्तित्वकै अन्त्य हुनु बराबर हो। अन्त्यमा, मेरो यो मनले तिमीबाहेक कसैलाई यसरी स्वीकार्नै सक्दैन। तिमी मेरो जीवनको त्यो अन्तिम पाना हौ, जसमा मेरो कथाको सुखद अन्त्य लेखिएको छ। तिम्रो साथ पाउनु मेरो सौभाग्य हो भने तिमिलाई गुमाउने कल्पना मात्र पनि मेरो सबैभन्दा ठूलो पराजय हो। त्यसैले, मेरो धडकनले सधैं तिम्रै सुरक्षा र साथको माग गरिरहन्छ। तिमी छौ र त म छु, तिम्रो प्रेम र विश्वास नै मेरो यो धर्तीमा अडिने अन्तिम आधार हो। तिमीलाई गुमाउनु भनेको वास्तवमै मेरो आफ्नै जिन्दगीलाई सधैंका लागि बिदा गर्नु हो। #楽天トラベルリリースキャンペーン #sad #quotes #fyp #keepsupporting

mr. pokharel ❤️‍🩹

Open In TikTok:

Region: JP

Wednesday 24 June 2026 14:31:20 GMT