@moh.puntland: Garoowe, 24 Jun 2026: Wasiirka Wasaaradda Caafimaadka Dowladda Puntland, Mudane Mohamad Abdirahman Mohamed(Faroole), ayaa maanta furay Shirka Dib-u-eegista iyo Qorsheynta Adeegga Tallaalka (EPI Review and Planning Meeting), kaas oo ay ka qayb galeen Agaasimaha Guud ee Wasaaradda, agaasimayaal ka tirsan Wasaaradda iyo wakiillo ka socday hay’adaha UNICEF, WHO iyo Save the Children. Shirkan oo soconaya muddo laba maalmood ah ayaa lagu eegayaa halka uu marayo adeegga tallaalka ee Puntland, caqabadaha jira iyo qorshayaasha lagu horumarinayo tayada iyo gaarsiinta adeegyada tallaalka. Agaasimaha Waaxda Caafimaadka Aasaasiga ah, Cabdirisaaq Abshir Xirsi, ayaa sheegay in inkastoo adeegyada tallaalku ay si joogto ah u socdaan, haddana ay weli jiraan cudurro laga hortagi karo sida gawracatada iyo jadeecada. Wuxuu ku baaqay in la xoojiyo gaarsiinta adeegyada tallaalka, gaar ahaan meelaha ay adeegyadu ku yar yihiin. Sidoo kale, Agaasimaha Guud ee Wasaaradda, Dr. Mohamed Mohamuud Xidig, ayaa xusay in hadafka ugu weyn ee barnaamijka tallaalku uu yahay in aanay jirin ilmo reer Puntland ah oo u dhinta cudur laga hortagi karay. Wasiir Maxamed Abdirahmaan Maxamed (Faroole) ayaa sheegay in horumarinta adeegyada tallaalku ay u baahan tahay xog sax ah oo lagu kalsoonaan karo, maadaama qorshe kasta oo lagu hagaajinayo adeegyada caafimaad uu ku dhisan yahay xog tayo leh. Wasiirku wuxuu sidoo kale ku baaqay in la xoojiyo wada-shaqeynta bulshada, gaar ahaan hooyooyinka, odayaasha dhaqanka iyo hoggaamiyeyaasha bulshada, si loo kordhiyo wacyigelinta ku saabsan muhiimadda tallaalka loona gaarsiiyo bulshada jadwalka ololayaasha tallaalka. Ugu dambayn, Wasiirku wuxuu adkeeyay muhiimadda ilaalinta silsiladda qabowga (Cold Chain), si loo hubiyo tayada tallaalka iyo in carruurta Puntland ay helaan tallaal badbaado leh oo tayo sare leh. DHAMMAAD XAFIISKA WARFAAFINTA WASAARADDA CAAFIMAADKA Website: www.moh.pl.so LinkedIn: Puntland Ministry of Health X (Twitter): @MOHPuntland Facebook: ministryOfHealthPuntland TikTok: @moh.puntland YouTube: @MOHPuntland

886

There are no more comments for this video.

To see more videos from user @moh.puntland, please go to the Tikwm homepage.