دجاج مشوي بالفرن المقادير: صحن فيليه افخاذ دجاج 500g ملعقتين زيت زيتون ملعقة كبيرة معجون طماطم ودبس فليفلة انا دمجت بين الاثنين شوية شطا حلوين ثلاث فصوص ثوم بهارات: ملعقة صغيرة اي بهارات مشكلة انا استخدمت البهارات السبعة نص ملعقة من كمون، كزبره ناشفة، فلفل اسود، بصل بودره، بابريكا اي نوع تفضلوه، فلفل اسود، فلفل احمر مطحون. يفضل نخليهم في الثلاجة يتتبلو من ساعة لـ ٢٤ انا سويتو على طول وطلع لذيذ برضو. نضيف الدجاج المتبل على صينية بشبك، نصيحة حطوا قصير تحت عشان لا تتوصخ الصينية عالفاضي، وندخلهم فرن مسبق التسخين على اعلى درجة حرارة ، فوق تحت، من عشرين لخمسة وعشرين دقيقة، ٢٠ دقيقة حيطلع مستوي وطري بس مو محمر وماخذ نكهة، ٢٥ دقيقة حياخذ نكهة بس ينشف شوية، انا افضل ٢٥ لانو لسا يتعبر طري، وطعمه افضل. واذا ما عندكم شبك، حطوه على صينية مدهونة زيت، بس يفضل تتبلو الدجاج ببهارات وزيت بدون اي مكون فيه مويا زي الشطا، لانو المكونات السايلة مع مويا الدجاج حتصير شوربة في الصينية، وما رح تقدروا تحمروا الدجاج من البخار، يمديكم تشيلو الدجاج بعد نصف الوقت وتتخلصوا من المويا وترجعوا الدجاج، بس افضلكم بدون اي سوائل، والافضل الشبك، ما رح يطلع الدجاج متحمر من تحت، بس من جهة وحدة رح يطلع متقمر. الفرن اللي عندي كهرباء، اذا فرنكم غاز نزلو الصينية شوية لا تخلوها مقابلة للنار مباشرة. نقطع الدجاج شرايح نحيفة، ونحفظه في علبة محكمة في الثلاجة من يومين لثلاثة ايام، وبهناء وعافية. ملاحظة: الفرن اللي عندي كهرباء، اذا فرنكم غاز نزلو الصينية شوية لا تخلوها مقابلة للنار مباشرة. #دجاج #طبخ #افخاذ_دجاج #chicken - @ahmedcooks.sa