یاسای بازاڕ پێمان دەڵێت ئەگەر دوکانێک بازاڕی نەبێت دایدەخەی! دۆستان، ئەم یاسایەی بازاڕە یاسایەکی ماتماتیکی، نەگۆڕ و جێگیرە؛ هەمیشە کڕیار حوکمی بازاڕ دەکات نەک فرۆشیار! هەمیشە بازاڕ بە ویستی کڕیار بەڕێوە دەچێت، نەک بە ویستی بەرهەمهێن! بۆ نموونە ئەگەر خەڵک داوای جۆرە جلێک یان مۆدێلێک نەکەن کام کارگە لە خۆیەوە بەرهەمی دروست دەکات؟ خۆ ڕاستە زۆرجار لە خۆیانەوە شتێک تاقی دەکەنەوە و دەیخەنە بازاڕەوە بەڵام ئەگەر شتەکە بازاڕی نەبێت و کڕیار نەیکڕێت، کارگەکە ناچارە واز لەو بەرهەمە بهێنێت و دایبخات. کڕیار حوکمی بازاڕ دەکات نەک فرۆشیار! کەواتە لەشکڕ هەیە بۆیە لەشفرۆش هەیە. لێرە کاتێک بابەتەکە دەبێتە بازرگانی جەستە، کارەکە بە ویستی هەردوولایە، بەڵام کێشەکە ئەوەیە مێگەلەکە دەڵێت ((ژنەکە دەیدات <گان> بۆیە پیاوەکە دەیکات!)) نەخێر، پێچەوانەکەی ڕاستە! ((پیاوەکە ئەیدات <پارە> بۆیە ژنەکە ئەیکات!)) ئەگەر ئەو پارە و خواستە نەبێت، بۆچی کچێک جەستەی خۆی تەسلیمی غەریبەیەک بکات؟ کەواتە تەنانەت لەم کارە بە ویستەش هێشتا هێزی پاڵنەر و سووتەمەنی بازاڕەکە لای پیاوی کڕیارە، نەک ژنە. بەس وا نەزانن من هاتووم هەموو تاوانەکە بخەمە سەر پیاو و ژنەکە بێبەری بکەم! نەخێر، ژنەکە لە ڕووی ئەخلاقی، شەرعی و فیکرییەوە، بە قەد پیاوەکە تاوانبارە و هیچ جیاوازییەکی نییە! هەموو مەبەستی من ئەوەیە پیاو وەک کڕیار بزوێنەر، داڕێژەر و دروستکەری سەرەکی بازاڕەکەیە و هەر پیاویشە بە پارە و خواستی خۆی بەردەوامی بەو بازاڕە دەدات. ژنەکە تەنها کۆیلەی خواستی کڕیارە؛ بەس کاتێک بە خواستی خۆی دەبێتە کۆیلە، ئەم جۆرە پێوەندییە چیتر ناچێتە خانەی دەستدرێژی بەڵکو دەچێتە خانەی کڕین و فرۆشتن و سێکسێکی بە وسیت، هەرچەندە هێز و دەسەڵاتە ڕاستەقینە ئابوورییەکە هەمیشە لای پیاوەکەیە! ئەمە لە بابەتی سێکس بە ویست و بازرگانی جەستە. بەڵام کاتێک دێینە سەر پرسی دەستدرێژی، لێرەدایە گەلحۆیی و کەرێتیی کۆمەڵگەی کوردی بە تەواوی ڕووت دەبێتەوە! تا ئێستاش زۆرێک لەم مێگەلە دەڵێت ((ئەگەر ژنەکە خۆی حەزی لێ نەبێت، پیاو دەستی بۆ نابات)) جا سەڕەتانەکە ئەوەیە ژنەکانیش ئەم قسە پووچە دەکەن، نەک بەس پیاوەکان! واتا ژن خۆی دێت و هەق بە تاوانبار دەدات نەک بەو قوربانییەی کە وەک خۆی ئافرەتە! بەس قەینا با لەبەر خاتری عەقڵە پووچەکەتان دەڵێین خەتای ژنەکەیە؛ ژنە حەزی لێ بووە وە پیاوەکەش کەر و گایە ئەقڵ و شتی نیە بۆیە پەلاماری داوە. ئەی کە دەستدرێژی دەکرێتە سەر منداڵ و ئاژەڵ، لێرەش هەر خەتای منداڵ و ئاژەڵەکە بوو؟ قوربانییەکە حەزی لێ بووە و پیاوە گەوجەکەی هان داوە؟! پاساوی (ژنەکە دەیەوێ بۆیە منیش پەلاماری دەدەم) ئەوپەڕی نەفامی، ترسنۆکی و گەلحۆییە. تەواوی ئامانج و فێڵی ئەم کۆمەڵگە قەوجە تەنها یەک شتە! دەیانەوێت بە هەر نرخێک بێت تاوانەکە بخەنە سەر قوربانییەکە، نەک تاوانبارە ڕاستەقینەکە. ئەوان دەیانەوێت ڕاوچی کێوی بێبەری بکەن و ئۆباڵەکە بدەن بەسەر جەستەی خوێناوی قوربانییەکە، چونکە ڕووبەڕووبوونەوەی ڕاستی پێویستی بە عەقڵ و بوێری هەیە، کە مێگەل نەیبووە و نەیبستووە. ئەی کێشە گەورەکە چیە؟ ئەوەیە کە تا ئێستاش جیاوازیی نێوان دوو چەمکی سادە ناکەن کە عەرز و ئاسمانیان بەینە!( سێکس بە وسیت) و (دەستدرێژی) سێکس بە ویست، ئەمە ڕێککەوتنی دوو مرۆڤی پێگەیشتووە بە ئارەزووی خۆیان. کە ئەمە چوارچێوەی خێزان دەگرێتەوە تا کڕین و فرۆشتنی جەستە! لێرە کەس زۆری لە کەس نەکردووە و هیچ لایەک مافی ئەوی تری پێشێل نەکردووە. ئەمە بابەتێکی شەخسی و ئارەزوومەندانەیە، جا کۆمەڵگە پێی قبوڵ بێت یان نا. دەستدرێژی، ئەمە هیچ پێوەندییەکی بە سێکس و حەزەوە نییە، ئەمە تاوانە و سەپاندنی هێزە بە زۆرەملێ. دەستدرێژی واتە پیاوێکی دڕندە بە چەک، بە هێزی جەستەیی، یان بە قۆستنەوەی بێدەسەڵاتی بەرامبەر، جا ژن بێت، منداڵ بێت، یان ئاژەڵ، دێت و جەستەیەک ڕاو دەکات کە هیچ ڕەزامەندییەکی تێدا نییە. کۆمەڵگەی ئێمە هێندە نەفام و کەرە، کاتێک کچێک دەبێتە قوربانی دەستدرێژی ڕێک وەک سێکسێکی بە ویست سەیری دەکەن و دەڵێن خۆی حەزی لێبووە. بە دەردی شێرۆ وتی: (بەم ئەقڵە بۆ کوێ دەچین؟ بۆ چ ئەشکەوتێک؟) کورد بینا و شوقەکانی بەرز کردوە بەس لە فیکر هەر بۆ دواوە هەنگاو دەنێ! #foryou #fyp #tiktok - @den.v3r