@radwa.moohamed1: اللي بيعانوا في المال هم الأشخاص اللي عايزين يتظاهروا إنهم معاهم مال قدّام الناس، عايشين تحت ضغط الصورة، والمظهر، وكلام الناس… فبيصرفوا أكتر ما يقدروا عليه علشان يبانوا، ويخسروا حريتهم وهم فاكرين إنهم بيكسبوا قيمة. المال للحريّة… والحريّة للمال. الحريّة إنك تعرفي تختاري شريك حياة متلاغم مع قلبك وعقلك وقيمك وروحك، مش اختيار قائم على الإعالة المادية والأكل والشرب وبس. والحريّة إنك تعرف تختار شريكة حياتك اختيار نابع منك، مش اختيار مناسب لبابا وماما علشان هم اللي بيساعدوك في الجواز. الحريّة في اختيار جودة الأكل اللي بتغذي بيه جسمك، والملابس اللي بتلبسها براحتك، ونمط الحياة اللي يشبهك فعلًا مش اللي الناس مستنياه منك. الحريّة في كسر القيود والقوانين غير المنطقية اللي اتحطت لعامة الناس علشان تفضل في نفس المكان. الحريّة في إن أي مشكلة بتمر بيها يكون ليها حل، لأن أغلب الحلول والخدمات ليها سعر، والفلوس هنا مش رفاهية… دي أداة. الحريّة في توسعة شغلك، وتفويض المهام، وفتح أبواب رزق لناس تانية، وتقديم نفع حقيقي لأكبر عدد ممكن من البشر. الحريّة في إنك تطلع كل الإبداع، والخبرة، والذكاء اللي جواك للنور، من غير خوف ولا حسابات ضيقة. الحريّة إنك لما تتعب نفسيًا أو جسديًا تعرف تعالج نفسك على أعلى مستوى ومع أفضل الخبرات، من غير ما يكون السعر هو أول وأكبر عائق. الحريّة إنك تقولي «لا» من غير خوف، وتقولي «آه» من غير شعور بالذنب. الحريّة إن وقتك يكون ملكك، مش مستباح للناس ولا مستنزف في اللي مالهمش قيمة. الحريّة إنك تغيّري طريقك في أي وقت لما تكتشفي إنك كنتِ ماشية في اتجاه مش شبهك. الحريّة إنك تحلمي من غير ما تصغّري حلمك علشان يناسب مستوى غيرك أو يريح اللي حواليك. الحريّة في جذب علاقات صحية مبنية على التعاون والدعم والتكامل، مش الاحتياج، ولا الحسد، ولا الأخذ من غير عطاء. اكتبي كلمة «مال» في الكومنتات، وهبعتلك محاضرة عن الوفرة المالية تساعدك تنطلقي في حياتك. #رضوي_محمد #اكاديمية_الروضة