#cejour-là #lyesmaknine #for #Amar #amor القصيدة السّلطنيّة أو الزّين الفاسي من نظم محمّد بن سليمان قسم 1 تاه فالدّاج نعاسي*من صدود الّي نهوى ساكني على قلبي ينفر كيف نعمل يا ناسي*والهوى رشّاني حمله تقيل شلاّ ما نصبر لا دوا ينفع باسي*لا طبيب نقولوا هذا حكيم بالقصد يخبّر لاش يا غربة راسي*لمتى عظمي من هرس الفراق بالعطف يجّبّر كان يسقي لي كاسي*والبها بين القطعة والشّمع ومطارب الخمر الحربة يا اهل الزّين الفاسي*صافّو مجمعكم وبايعو لسلطان المشور قسم 2 بالمحاسن توناسي*إلا يغيّب عن عيني من هويت في قلبي يحضر وجّدو لي الارماسي*إلا يغيّب عنّي ساعة نقول هذا غير غدر في اعضايا وسواسي*إلا نموت السّلطان إلا يجور يقتل ما يختر ما يبرّد مڤباسي*غير ريق اللّمّات إلا تخبّلوا من ثغر لثغر أو ورد سڤلماسي*في رياض المليك الّي جنيت والعرب تنصّر الحربة يا اهل الزّين الفاسي*صافّو مجمعكم وبايعو لسلطان المشور قسم 3 يا الّي قلبه قاسي*لا تلوم العاشق في حالة الهوى سلّم واعذر ساط ريحه فغلاسي*ويثمر بستاني انحطمت غراسه من بعد ازهر يا ترى يفرحوا ناسي*والسّرور يضرب معايا مڤام والشّر يندمر بعد هولي واهواسي*جمع شملي حتّى انايا وبحبيبي نظفر ويحضر ضيّ اغلاسي*ننكي به جميع الحاسدين والدّف ينڤّر الحربة يا اهل الزّين الفاسي*صافّو مجمعكم وبايعو لسلطان المشور قسم 4 نرسلك يا رقّاسي*إلا وصلت المحبوب الّي هويت عاود له الخبر فالذّهب درت نحاسي*مالكي ما حفاني زار مرسمي من بعد هجر فرحنا به مواسي*في رياض على مايات الاطّيار والغاني يحضر العود والطّر خماسي*والرّباب على ماية الرّمل يبكي ويفكّر به واقد نبراسي*والزّهو والسّلوان على الدّوام عمره ما يقصر الحربة يا اهل الزّين الفاسي*صافّو مجمعكم وبايعو لسلطان المشور قسم 5 فالوطا درت لساسي*خود يا حفّاظي حلّة صول بها واستفخر سير ڤول للڤُساسي*أالدّاعي هذا الحلّة دارها من لا ينكر بالمعاني تجناسي*سلطنيّة هذه سمّيتها مولاها يظهر رقّتي من تكياسي*ابن سليمان أسمي للجاحدين ضربي فالمنحر درت فيدي مدعاسي*دون سيفي وركبت على جواد يفتّت الحجر هبت بالورد وياسي*والسّلام نهيبه والّي جحيد خلّيه مكدّر الحربة يا اهل الزّين الفاسي*صافّو مجمعكم وبايعو لسلطان المشور تمّت - @lyesmeknine