@imjbandara: ලෝකයේ ධනවත්ම රටක් වුණ බ්‍රිතාන්‍යය අද මේ තරම් පිරිහිලා තියෙන්නේ ඇයි? 🇬🇧📉 ගිය අවුරුද්දේ විතරක් ලක්ෂ 7කට ආසන්න පිරිසක් තමන්ගේ මුළු ජීවිතයම අකුලගෙන එක්සත් රාජධානියෙන් සදහටම සමුගත්තා කිව්වොත් විශ්වාස කරනවාද? මේක වාර්තාගත ඉතිහාසයේ ඉහළම අගය වෙනවා වගේම, මේ රට දාලා ගිය අයගෙන් 3/4 ක්ම වයස අවුරුදු 35 ට අඩු තරුණ පිරිස්. මේක තාවකාලික දෙයක් නෙවෙයි, අවුරුද්දෙන් අවුරුද්ද මේ සංඛ්‍යාව වේගයෙන් වැඩි වෙනවා. ✈️🧳 මේ තරුණ තරුණියෝ රට දාලා යන්නේ රටේ යුද්ධයක් තියෙන නිසාවත්, කන්න බොන්න නැති නිසාවත් නෙවෙයි. ඔවුන් පලා යන්නේ තමන්ගේ වාර්ෂික පඩිය වගේ 10 ගුණයක් විතර මිල වෙන ගෙවල් වලින්, තමන්ගේ පඩියෙන් විශාල කොටසක් උදුරාගන්න බදු ක්‍රමයෙන් සහ අවුරුදු 20 කින් විතර කිසිම වර්ධනයක් නොපෙන්වපු Stagnant economy එකෙන්! කාර්මික විප්ලවයේ උපන්බිම වු​න, ලෝකයේ ධනවත්ම G7 රටක් වුණු බ්‍රිතාන්‍යය කොහොමද මේ වගේ කඩා වැටීමකට ලක් වුණේ? මේ කතාව අද ලෝකයේ අනිත් හැම රටකටම ලොකු පාඩමක්. 🧐👇 අපි ආපහු 2007 ට ගියොත්, ඒ කාලේ UK කියන්නේ ලෝකයේ ප්‍රධානතම මූල්‍ය කේන්ද්‍රස්ථානයක්. හැබැයි 2008 ආපු ගෝලීය ආර්ථික අර්බුදයෙන් පස්සේ හැමදේම කණපිට පෙරළුණා. අර්බුදයෙන් ගොඩ එන්න රජයට තීරණ දෙකක් ගන්න තිබුණා. එකක් තමයි ණය අරගෙන හරි රටේ යටිතල පහසුකම් වලට ආයෝජනය කරන එක. අනිත් එක තමයි වියදම් කපලා දාන එක. ✂️💼 බ්‍රිතාන්‍යය තෝරගත්තේ "Austerity" එහෙමත් නැත්නම් වියදම් කප්පාදු කිරීම කියන ක්‍රමය. ඔවුන් Research and development, Skills programs, සහ Infrastructure projects ඔක්කොම කපලා දැම්මා. මේක හරියට සල්ලි ඉතිරි කරන්න කියලා තමන්ගේ Gym membership එක කැන්සල් කළා වගේ වැඩක්! මේකේ ප්‍රතිඵලයක් විදිහට අද ඇමරිකානු සේවකයෙක් බ්‍රිතාන්‍ය සේවකයෙකුට වඩා 28% කින් ඵලදායීතාවයෙන් වැඩියි. ජර්මන් සහ ප්‍රංශ සේවකයෝ පවා 14% කින් ඉස්සරහින් ඉන්නවා. බ්‍රිතාන්‍ය මිනිස්සු කම්මැලි නිසා නෙවෙයි, ඔවුන් තාමත් පරණ ටූල්ස් පාවිච්චි කරමින්, පරණ බිල්ඩිම් වල කිසිම අලුත් පුහුණුවක් නැතුව වැඩ කරන නිසයි මේ තත්ත්වය උදා වෙලා තියෙන්නේ. 🏗️📉 බ්‍රිතාන්‍යයේ ආර්ථිකය අවුරුදු 17 ක් තිස්සේ එකතැන පල් වුණත්, පිටින් බලන කෙනෙකුට රට තාමත් පේන්නේ ගොඩක් පොහොසත් විදිහට. මේකට ප්‍රධානම හේතුව තමයි රටේ තියෙන එකම එක Asset එකක් අඛණ්ඩව ඉහළ යාම. ඒ තමයි Housing market එක එහෙමත් නැත්නම් නිවාස වෙළඳපොළ. 🏠💰 අද වෙද්දී එංගලන්තයේ සාමාන්‍ය නිවසක මිල පුද්ගලයෙකුගේ වාර්ෂික පඩිය වගේ 7.7 ගුණයක්. ලන්ඩන් වල නම් මේක 10.5 ගුණයක් විතර වෙනවා. සමහර පැති වල 25 ගුණයක්! අද ඉන්න තරුණ පරම්පරාවට තමන්ගේම කියලා ගෙයක් ගන්න එක හීනයක් වෙලා. ඔවුන් කරන්නේ අධික කුලියක් ගෙවමින් නිවාස හිමියන්​ගේ විශ්‍රාම කාලය පෝෂණය කරන එක විතරයි. මේකට තියෙන විසඳුම හරිම සරලයි: ගෙවල් ගොඩක් හදන එක. හැබැයි එහෙම කළොත් දැනට තියෙන ගෙවල් වල මිල අඩුවෙනවා. මේ ගෙවල් අයිති වයසක පරම්පරාව කියන්නේ රටේ තියෙන ලොකුම Voting block එකක් (ඡන්ද පදනමක්). දේශපාලඥයෝ කවදාවත් තමන්ගේ ඡන්ද පදනමට පාඩුවක් වෙන විදිහට ගෙවල් වල මිල බස්සන්න කැමති නෑ. මේක හරියට සංගීත පුටු සෙල්ලමක් වගේ. පුටුවල වාඩිවෙලා ඉන්න අය කවදාවත් අලුත් පුටු ගේනවට කැමති නෑ! 🪑🚫 2016 දී යුරෝපා සංගමයෙන් අයින් වෙන්න ගත්තු තීරණයත් UK ආර්ථිකයට ලොකුම පහරක් වුණා. Brexit කියන්නේ එකපාරටම කාර් එකක් තාප්පෙක හැප්පෙනවා වගේ දෙයක් නෙවෙයි, ඒක හරියට ටයර් එකක පොඩි හුළං යෑමක් වගේ. මුලින් කිසිම අවුලක් පේන්නේ නෑ, හැබැයි ටික දුරක් යද්දී කාර් එකේ පාලනය නැති වෙනවා. 🇬🇧🇪🇺 Brexit ඡන්දයට කලින් UK වල Business investment එක අවුරුද්දකට 6% කින් විතර වර්ධනය වුණා. හැබැයි ඡන්ද ප්‍රතිඵලයෙන් පස්සේ ඒක බිංදුවටම බැස්සා. මොකද යුරෝපයට බඩු යවන්න තියෙන නීති මොනවාද කියලා කිසිම කම්පැනි එකක් දැනගෙන හිටියේ නෑ. 2025 වෙද්දී ගණන් බලලා තියෙන විදිහට Brexit නිසා UK එකේ GDP එක 6% - 8% කින් අඩුවෙලා තියෙනවා. ඒ කියන්නේ අවුරුද්දකට පවුම් බිලියන 100 ත් 200 ත් අතර මුදලක් රටට අහිමි වෙනවා. ඒ මදිවට කෘෂිකර්මාන්තය, Hospitality සහ NHS එකේ වැඩ කරන්න යුරෝපයෙන් ආපු සේවකයෝ නැතිවීම නිසා රට ඇතුළේ ලොකු Labor shortage එකක් (ශ්‍රම හිඟයක්) නිර්මාණය වෙලා තියෙනවා. 🚜👨‍🍳 ඔයාගේ පඩිය ටිකක් වැඩි වුණාම ඔයාට සතුටුයි නේද? හැබැයි UK වල එතනත් සිද්ධ වෙන්නේ අමුතුම දෙයක්. රජය Income tax අය කරන සීමාවන් අවුරුදු ගානක් තිස්සේ උද්ධමනයට සාපේක්ෂව වැඩි කරලා නෑ. මේ නිසා පඩිය පොඩ්ඩක් වැඩි වු​න ගමන් මිනිස්සු අලුත්ම (ඉහළ) Tax bracket එකකට වැටෙනවා. 💸🤐 මේකට කියන්නේ "Fiscal Drag" කියලා. පාර්ලිමේන්තුවේ කිසිම ඡන්දයක් නැතුව රහසේම සිද්ධ වෙන මේ බදු ගැහිල්ල නිසා මිලියන ගානක් මිනිස්සුන්ට තමන්ගේ පඩිය වැඩි වුණත් අතට ලැබෙන ගාණ අඩු වෙලා තියෙනවා.

🌈🌍I M J P 🌏✨

Open In TikTok:

Region: LK

Thursday 25 June 2026 06:10:12 GMT