@.yara5907: 🍀#အလှပဆုံးသံယောဇဉ်ဖြတ်နည်း.. သံယောဇဉ်ကို မာနနဲ့ဖြတ်ရင် ပြတ်တယ်" တဲ့... ဟုတ်ပါတယ်။ ဒါပေမဲ့ ....မာနဆိုတာကြီးကို အစထဲက ရင်ထဲမှာ ကြီးကြီးမားမား မမွေးထားတတ်တဲ့သူ၊ ဒါမှမဟုတ် သံယောဇဉ်ရှေ့မှာ မာနကို အောက်ချပစ်တတ်တဲ့သူမျိုးကျတော့ကော... ဘာနဲ့ ဖြတ်ရမလဲ? မာနမရှိတဲ့သူတွေအတွက်တော့ သံယောဇဉ်ကို ဖြတ်ဖို့ "နားလည်မှု" နဲ့ "ခွင့်လွှတ်ခြင်း"ကိုပဲ လက်နက်လုပ်ရတတ်ပါတယ်။ မာနနဲ့ ဖြတ်တဲ့အခါ ဒေါသတွေ၊ အမုန်းတွေ၊ မကျေနပ်မှုတွေ ပါလာပြီး အရှိန်နဲ့ ရုန်းထွက်ရတာမို့လို့ ချက်ချင်းကြီး ပြတ်တောက်သွားသလို ရှိတတ်ပေမဲ့ ရင်ထဲမှာတော့ အမာရွတ် ကျန်ခဲ့တတ်တယ်။ ဒါပေမဲ့ မာနမရှိတဲ့သူကတော့... အခြေအနေတစ်ခုကို အရှိကိုအရှိအတိုင်း ငြိမ်ငြိမ်လေး ကြည့်တယ်။ "သြော်... ငါတို့ ရေစက်က ဒီမျှပဲကိုး၊ သူလည်း သူ့အကြောင်းနဲ့သူ ရှိရှာမှာပါ" ဆိုပြီး စာနာစိတ်နဲ့ နားလည်ပေးလိုက်တာမျိုးပါ။ ပြီးတော့ ရင်ထဲက တနုံ့နုံ့ခံစားချက်တွေကို မာနနဲ့ တွန်းမထုတ်ဘဲ "ခွင့်လွှတ်ခြင်း"နဲ့ပဲ ညင်သာစွာ ဘေးဖယ်လိုက်တယ်။ နောက်တစ်ခုက "သတိ" (သတိပဋ္ဌာန်)နဲ့ ဖြတ်တာပါ။ နှောင်ကြိုးဆိုတာ ရုန်းလေ မြဲလေပဲမို့လို့ မရုန်းတော့ဘဲ ငြိမ်ငြိမ်လေး ကြည့်နေပေးရုံပါပဲ။ သံယောဇဉ်ကြောင့် ပူလောင်လာရင်လည်း "သြော်... ပူနေပါလား" လို့ သိပေးလိုက်တယ်။ လွမ်းလာရင်လည်း "လွမ်းနေပါလား" လို့ သိပေးလိုက်တယ်။ ဘာမာနမှမပါဘဲ အချိန်ကို အချိန်အတိုင်း လွှတ်ထားပေးလိုက်တဲ့အခါ တစ်နေ့ကျတော့ အဲဒီနှောင်ကြိုးက အလိုလိုနေရင်း လျော့ရဲပြီး ပြုတ်ထွက်သွားပါလိမ့်မယ်။ မာနနဲ့ဖြတ်တာဟာ ဓားနဲ့ တိခနဲ ဖြတ်လိုက်သလိုမျိုးဆိုရင်... မာနမရှိတဲ့သူ ဖြတ်တဲ့နည်းကတော့ "မေတ္တာနဲ့ အေးအေးလူလူ လွှတ်ချလိုက်ခြင်း"ပါပဲ။ အတင်းအဓမ္မ ရုန်းထွက်တာမျိုး မဟုတ်ဘဲနဲ့ "ငါ့ကြောင့်လည်း သူ မပူလောင်ပါစေနဲ့၊ သူ့ကြောင့်လည်း ငါ မပူလောင်တော့ဘူး" ဆိုပြီး နှစ်ဦးနှစ်ဖက်လုံးကို ငြိမ်းချမ်းစေချင်တဲ့ စိတ်ကလေးနဲ့ ညင်ညင်သာသာလေး လက်လွှတ်လိုက်တာဟာ အလှပဆုံးနဲ့ အငြိမ်းချမ်းဆုံး သံယောဇဉ်ဖြတ်နည်း ဖြစ်ပါလိမ့်မယ်။ #စိတ်ကြည်နွယ်

8042

459

2026-06-26 14:29:23

2026-06-25 14:31:44

To see more videos from user @.yara5907, please go to the Tikwm homepage.