ஒவ்வொரு வாப்பாவும் ஒரு தியாகிதான்... 🥺❤️இன்று அதிகாலையில் வாப்பாவின் இந்த பழைய தொலைபேசியைப் பார்த்தபோது என் மனம் உடைந்து போனது. என் கையில் இன்று விலை உயர்ந்த ஸ்மார்ட்போன் இருக்கிறது. ஆனால் என் வாப்பாவின் கையில் இன்னும் தேய்ந்துபோன, உடைந்துபோன ஒரு சாதாரண தொலைபேசிதான். நான் A/L இல் என்ன படிக்கிறேன், எந்தப் பாடம் படிக்கிறேன் என்பதெல்லாம் அவருக்கு முழுமையாகத் தெரியாமல் இருக்கலாம். ஆனால்... "வாப்பா... காசு வேணும்..." என்று சொன்னால், எப்படியாவது ஏற்பாடு செய்து தர முயற்சிப்பார். நான் படிப்பை விட்டுவிட்டு (O/L கு பின் ) புகைப்படக்கலையில் வேலை செய்த நாட்களும் இருந்தன. பலர் அதை நான் படிக்காமல் கேமரா வினை தூக்கி கொண்டு திரிகிறேன் என்று நினைத்து இருக்கலாம் ஆனால் இன்று என்னிடம் இருக்கும் அனுபவமும் திறமையும் அந்தப் பயணத்தின் பலன்தான். அது மூலம் உருவாக்கிய உறவுகளே எனக்கு உதவி செய்து கொண்டு இருக்கின்றன அப்படியிருந்தாலும் என் மனதில் ஒரு ஆசை மட்டும் எப்போதும் இருந்தது... A/L படிக்க வேண்டும். என் பெற்றோரின் ஆசையை நிறைவேற்ற வேண்டும். என் பெறுபேறு எப்படியிருந்தாலும் பரவாயில்லை. நான் முயற்சி செய்தேன் என்ற மனநிறைவு எனக்கும், என் பெற்றோருக்கும் கிடைக்க வேண்டும். "எங்கள் மகன் படித்தான்... எங்கள் மகன் முயற்சி செய்தான்..." என்று அவர்கள் பெருமையுடன் சொல்ல வேண்டும். இந்த பதிவைப் படிக்கும் பெற்றோரிடம் ஒரு சிறிய வேண்டுகோள்... உங்கள் பிள்ளைகளுக்கு வசதிகளை மட்டும் கொடுத்து வளர்க்காதீர்கள். அந்த வசதிகளுக்குப் பின்னால் இருக்கும் உங்கள் கஷ்டங்களையும் சொல்லி வளருங்கள். கஷ்டத்தை உணர்ந்த பிள்ளைகளுக்குத்தான் பொறுப்பும், நன்றியுணர்வும் வரும். இன்று பல பெற்றோர்கள் தங்களின் கஷ்டங்களை மறைத்து வைத்து, பிள்ளைகள் எதையும் அறியாமல் வளர வேண்டும் என்று நினைக்கிறார்கள். ஆனால் பின்னர் அவர்கள் வாழ்க்கையின் பெறுமதியையும், பெற்றோரின் தியாகங்களையும் உணராமல் போகிறார்கள். என் வாப்பா இன்று வரை ஒரு பழைய சைக்கிளில்தான் பயணம் செய்கிறார். நினைத்திருந்தால் அவரும் ஒரு பைக் வாங்கியிருக்கலாம். ஆனால் தனது ஆசைகளை விட, தனது குடும்பத்தின் தேவைகளையே முதலில் பார்த்தார். எனக்கும் பைக் வாங்கும் வசதி இல்லாததால் பல கஷ்டங்களை அனுபவித்திருக்கிறேன். இன்றும் அனுபவித்துக் கொண்டிருக்கிறேன். பல நேரங்களில் என்னைவிட வயதில் குறைந்தவர்கள் தங்கள் வாப்பாவுடன் பைக்கில் செல்லும் காட்சிகளைப் பார்க்கும்போது என் மனதில் ஒரு கேள்வி தோன்றும்... "எப்போது நானும் என் வாப்பாவை பெருமையுடன் ஒரு பைக்கில் ஏற்றி அழைத்துச் செல்வேன் இன்ஷாஅல்லாஹ் அந்த ஆசை இன்னும் என் மனதில் உயிரோடு இருக்கிறது. 🤲 உங்கள் துஆக்களில் என்னையும் நினைவில் கொள்ளுங்கள். என் வாழ்க்கையின் மிகப்பெரிய கனவு... "வாப்பா... இனிமேல் நீங்கள் வேலைக்குப் போக வேண்டாம். இப்போது நான் இருக்கிறேன்.❤️ என்று சொல்லும் நாள்தான்.#vappa #appa #dad #emotional #viral - @agm.haseen