@gurshapage: #ዜና ዕረፍት | የፕሬዝዳንት ኢሳያስ አፈወርቂ እናት በ97 ዓመታቸው አረፉ:: የፕሬዝዳንት ኢሳያስ አፈወርቂ እናት የሆኑት ወይዘሮ አዳነሽ በርሄ በተወለዱ በ97 ዓመታቸው ከዚህ ዓለም በሞት መለየታቸውን የኤርትራ ማስታወቂያ ሚኒስቴር ይፋ አድርጓል። አገሪቱ ነጻነቷን ከተቀዳጀችበት ጊዜ ጀምሮ ላለፉት ከሦስት አሥርት ዓመታት በላይ በሥልጣን ላይ የሚገኙትን የ80 ዓመቱን መሪ የወለዱት እኚሁ አዛውንት፣ ከዚህ ዓለም የተሰናበቱት ባለፈው ሰኞ ዕለት መሆኑ ታውቋል። እንደ ሚኒስቴሩ ይፋዊ መግለጫ ከሆነ፣ ሰኔ 17 ቀን 2018 ዓ.ም በአሥመራ ከተማ አቅራቢያ በሚገኘው የትውልድ ቀያቸው በተከናወነው የሽኝት ሥነ ሥርዓት ላይ ፕሬዝዳንት ኢሳያስን ጨምሮ የቅርብ ቤተሰቦቻቸው፣ የሃይማኖት አባቶችና የሀገሪቱ ከፍተኛ የመንግሥት የሥራ ኃላፊዎች ተገኝተዋል። ወይዘሮ አዳነሽ በርሄ ከአቶ አፈወርቂ አብርሃ ጋር በነበራቸው የትዳር ሕይወት 14 ልጆችን ማፍራት የቻሉ ሲሆን፣ ከእነዚህም መካከል ዘጠኙ በኤርትራ የነጻነት ተጋድሎና እንቅስቃሴ ውስጥ በንቃት መሳተፋቸው ይነገራል። በረዥሙ የጦርነት ወቅት በስደት ወደ አሜሪካ አቅንተው የነበሩት ወይዘሮ አዳነሽ፣ ሀገሪቱ ነጻነቷን ካወጀች በኋላ ወደ ትውልድ ምድራቸው ተመልሰው እስከ ዕለተ ሞታቸው ድረስ በኤርትራ መኖራቸው ታውቋል። Via BBC Amahric ጉርሻ Page

ጉርሻ Page

Open In TikTok:

Region: ET

Thursday 25 June 2026 10:33:58 GMT