ခန္တီးမြို့ကနေ လဟယ်မြို့ဆီ ဦးတည်ထွက်လာတဲ့ ခရီးစဉ်ဟာ ကီလိုမီတာ မိုင်တိုင်တွေကို ဖြတ်ကျော်ရုံတင်မဟုတ်ဘဲ နာဂတောင်တန်းတွေရဲ့ အသက်ရှူသံကို နားထောင်ရတဲ့ ခရီးတစ်ခုလိုပါပဲ။ နာဂကိုယ်ပိုင်အုပ်ချုပ်ခွင့်ရဒေသထဲကို တဖြည်းဖြည်း ဝင်ရောက်လာတာနဲ့အမျှ မြင်ကွင်းတွေကလည်း ပြောင်းလဲလာတယ်။ တောင်တန်းတွေ တစ်ထပ်ပြီးတစ်ထပ် ပေါ်လာတယ်။ ချိုင့်ဝှမ်းတွေ၊ တောအုပ်တွေ၊ တောင်စောင်းတွေကြားမှာ တည်ရှိနေတဲ့ ရွာလေးတွေကို တစ်ရွာပြီးတစ်ရွာ ဖြတ်သန်းခဲ့ရတယ်။ တချို့ရွာတွေက တောင်ကုန်းထိပ်ပေါ်မှာ တိတ်တိတ်ဆိတ်ဆိတ် တည်ရှိနေပြီး တစ်ချို့ရွာတွေကတော့ တောင်တန်းတွေရဲ့ ရင်ခွင်ထဲမှာ အေးအေးချမ်းချမ်း နေထိုင်နေကြပါတယ်။ လမ်းတစ်လျှောက် ဖြတ်သန်းခဲ့တဲ့ ရွာတွေတိုင်းမှာ သူတို့ရဲ့ နေထိုင်မှုပုံစံ၊ ရိုးသားပွင့်လင်းတဲ့ လူနေမှုဘဝနဲ့ သဘာဝအပေါ် အခြေခံထားတဲ့ ယဉ်ကျေးမှုအငွေ့အသက်တွေကို ခံစားမိခဲ့ရတယ်။ အဝေးကနေ မြင်ရတဲ့ အိမ်လေးတွေ၊ တောင်စောင်းပေါ်မှာ စိုက်ပျိုးထားတဲ့ တောင်ယာခင်းတွေ၊ တိမ်တွေကြားက ပေါ်လာလိုက် ပျောက်သွားလိုက် ဖြစ်နေတဲ့ ရွာလေးတွေက မျက်စိထဲမှာ အမှတ်တရအဖြစ် ကျန်ခဲ့တယ်။ ဒီခရီးရဲ့ အလှက လဟယ်မြို့ကို ရောက်မှ မြင်တွေ့ရတာမျိုး မဟုတ်ပါဘူး။ လမ်းတစ်လျှောက် ဖြတ်သန်းခဲ့ရတဲ့ ရွာတိုင်း၊ တောင်တိုင်း၊ ကွေ့တိုင်းမှာ အလှတရားတစ်ခုစီ ရှိနေခဲ့ပါတယ်။ ဒီ Video လေးကတော့ ခန္တီးကနေ လဟယ်အထိ သွားရာလမ်းတလျောက် မြင်တွေ့ခဲ့ရတဲ့ နာဂတောင်တန်းတွေရဲ့ အလှ၊ တောင်ပေါ်ရွာလေးတွေရဲ့ ငြိမ်းချမ်းမှုနဲ့ နာဂကိုယ်ပိုင်အုပ်ချုပ်ခွင့်ရဒေသရဲ့ သဘာဝအလှတရားတွေထဲက အစိတ်အပိုင်းလေးတစ်ခုကို မှတ်တမ်းတင်ထားတာပါ။ မရောက်ဖူးသေးတဲ့သူတွေအတွက်တော့ မြင်ဖူးအောင်၊ ရောက်ဖူးပြီးသားသူတွေအတွက်တော့ အမှတ်တရတွေ ပြန်အသက်ဝင်လာအောင် Sharing လုပ်လိုက်ပါတယ်။ 💚⛰️ #နာဂကိုယ်ပိုင်အုပ်ချုပ်ခွင့်ရဒေသ #ခန္တီးမှလဟယ်သို့ #NagaMountains #TravelMemories #exploremyanmar🇲🇲 - @nagadreamholic