دل میں اک درد سا اتر جائے، اور شروع ہوں یہ بارشیں۔ کوئی طوفان بھی نہیں آیا، کوئی حادثہ بھی نہیں گزرا، پھر بھی دل کے سنسان گھر میں، کیسا یہ شور سا ٹھہرا۔ کبھی سوچوں کا بوجھ بڑھ جائے، کبھی کل کی فکر ستانے لگے، کبھی خود اپنی خاموشی بھی، دل کو اندر سے کھانے لگے۔ کچھ حسرتیں ادھوری رہ جائیں، کچھ خواب راستوں میں مر جائیں، جن کو سینے سے لگایا تھا، وہی امیدیں بکھر جائیں۔ دن گزرتا ہے مسکراتے ہوئے، لوگ کہتے ہیں سب اچھا ہے، کون دیکھے دل کے کمروں میں، کتنا اندھیرا ٹھہرا ہے۔ کچھ سوال ایسے ہوتے ہیں، جن کا کوئی جواب نہیں ہوتا، کچھ دکھ ایسے بھی ہوتے ہیں، جن کا کوئی حساب نہیں ہوتا۔ وقت کے ساتھ چلتے چلتے، انسان خود سے دور ہو جاتا ہے، اپنی خواہش، اپنے ارمان، سب کا بوجھ ضرور ہو جاتا ہے۔ کتنی باتیں دل میں رہتی ہیں، کتنے قصے لب تک آتے نہیں، کتنے زخم ایسے ہوتے ہیں، جو برسوں تک بھر پاتے نہیں۔ کبھی محنت رنگ نہیں لاتی، کبھی قسمت ساتھ نہیں دیتی، کبھی پوری دنیا مل جائے، پھر بھی دل کو راحت نہیں ملتی۔ یوں ہی اک لمحہ آتا ہے، آنکھ بھر آتی ہے بے وجہ، اور انسان سوچتا رہتا ہے، آخر دل کو ہوئی ہے کیا؟ شاید آنسو کمزور نہیں ہوتے، یہ دل کا بوجھ اٹھاتے ہیں، جو درد لفظوں میں ڈھل نہ سکے، اسے خاموشی سے بہاتے ہیں۔ ایک دکھ پہ ہزار آنسو، اف یہ آنکھوں کی فضول خرچیاں، ایک چبھن دل میں جاگے تو، عمر بھر جاگتی ہیں سسکیاں۔ کبھی لگتا ہے سب ٹھیک ہے، کبھی سب کچھ بکھرا لگتا ہے، یہ دل بھی عجیب مسافر ہے، ہر موڑ پہ ٹھہرا لگتا ہے۔ ✍️ زَہْرَاء رَائِٹْس 💫 #creatorsearchinsights2026 #foryoupage #followformorevideo #foryou #tiktokvirl - @zahra_72110