@ads.square: تخيل دخلت محل، لقيت البياع واقف أول ما شافك يقولك: إحنا شركة تأسست سنة 1995، وإحنا الأفضل في السوق، وعندنا جودة ملهاش مثيل، والمصنع بتاعنا واخد شهادات عالمية وفضل يتكلم عن نفسه نص ساعة كاملة بدون ما يوريك المنتج أو يقولك سعره كام أو إيه العرض المتاح هتلف وتخرج فوراً صح؟ للأسف، ده بالظبط اللي بتعمله في إعلانك لما تركز على شركتك وتنسى تقدم عرض واضح. العميل وهو بيقلب في الموبايل مش مهتم بتاريخ شركتك ولا بجودة الماتريال في أول لقطة العميل مهتم بنفسه وبس، وجوا دماغه سؤال واحد بيحركه: أنا هستفيد إيه من الكلام ده؟ إعلانك هيفشل ونسبة الشراء هتكون ضعيفة لو مفيش فيه 3 حاجات واضحة وصريحة في أول سطرين: 1. الـ Hook (الخطاف): كلمة أو جملة تلمس مشكلة العميل الحالية اللي هو بيدور لها على حل. 2. العرض (The Offer): العرض مش معناه "خصم" وبس.. العرض هو القيمة الواضحة اللي هياخدها (مثلاً: اشتري قطعتين والشحن مجاناً، أو احصل على استشارة مجانية عند الحجز، أو باقة متكاملة بسعر موحد). 3. الدعوة لاتخاذ إجراء (CTA): قوله بوضوح يعمل إيه دلوقتي (اضغط هنا للحجز، ابعت رسالة على الصفحة، سجل بياناتك). العميل مش هيخمن الخطوة الجاية لوحده. راجع إعلانك الأخير: هل بتتكلم فيه عن نفسك وعن مميزاتك ولا عن مصلحة العميل والعرض اللي هيستفيده؟ 👇 لو عايزنا نراجعلك نص إعلانك الجاي ونقولك نقط الضعف فين قبل ما تصرف عليه، سيب كومنت بكلمة (مراجعة) وهنتواصل معاك. استنوا بكره الحلقة رقم 4.. وهنتكلم فيها عن وهم "اللايكات والشير" وليه ممكن البوست يجيب 1000 لايك ومفيش ولا عميل يشتري
