@electricmin: في بعض خطوط الجهد العالي بنلاقي الفازات بيتبدّل أماكنها على طول الخط؟ الحركة دي اسمها Transposition، ودي من الحاجات المهمة جدًا في تصميم خطوط النقل. ببساطة، في خطوط النقل الهوائية بيكون عندنا 3 فازات: R و Y و B. لو كل فازة فضلت في نفس مكانها بطول الخط، فكل واحدة هتتعرض لظروف مختلفة عن التانية. يعني فازة تكون أقرب للأرض، وفازة أبعد، وفازة أقرب لفازة معينة أكثر من غيرها. وده بيسبب اختلاف في: الممانعة Inductance والسعة Capacitance لكل فازة. طيب النتيجة إيه؟ النتيجة إن الخط بيكون غير متزن تمامًا، وده ممكن يسبب: اختلاف بسيط في الجهود والتيارات بين الفازات وزيادة عدم الإتزان وتأثيرات غير مرغوبة على دوائر الاتصالات أو الـ P L C C علشان كده بنعمل Transposition، يعني بنبدّل أماكن الفازات على طول الخط، بحيث كل فازة تقضي جزء من الخط في الأعلى، وجزء في المنتصف، وجزء في الأسفل. مثلاً لو الترتيب في البداية R – Y – B يبقى بعد جزء من الخط Y – B – R وبعد جزء آخر B – R – Y وبكده كل فازة تكون مرت بنفس الظروف تقريبًا، فيبقى عندنا اتزان أفضل في الممانعة والسعة، ويصبح أداء الخط أقرب للتماثل #كهرباء #هندسة_كهربائية #مهندس_كهرباء #تعلم_الكهرباء #Electrical

دقيقة كهرباء

Open In TikTok:

Region: EG

Thursday 25 June 2026 20:40:14 GMT