@abdiqaniawali: Sida aan maqlay Fooladkii iyo Farshaxankii fanka Maxamed Mooge Liibaan AHN. Heestiisii ugu horraysay waxa uu qaaday sannadii 1968dii taasoo uu qabtay radio Hargeysa, waana Heestii MAHIIGAAN. Erayada waxaa lahaa Abwaan Maxamed Cumar Huryo, Bayd ka mid ah heestan Mahiigaan waxa ka mid ahaa; Mar aan xalayto faaladda Nafta kula murmayoon Markii aan isbaranay iyo Maalmihi wacnaa tebay. Halkan waxa aan idinku soo gudbinayaa waa heesta "Halkuu ila galay jacaylku" heestan Ereyada waxa Curiyay Abwaan Hiboole iyo Hal-abuurka mar la araga ah, waa Abwaan Cali Saleebaan Bidde. Naaxiyada Codka ama laxanka waxa heestan ku ladhay AHU Fooladkii iyo Farshaxankii fanka Maxamed Mooge# Liibaan. Qoraalka Ereyada haastu waa sidan; Hoheey arimahaad hallaysay Habeen nacasnimo ku dhaafay Illeen hibashiyo ma waydid Naftaadu inay is hiifto, Cakuye talada iiga hoostay Hiirtaaanyo may i daysay Anuun baa hiyi ihaynin Xumaatada maw haliilay, Hunguri goortuu i qaatay Hubsiimo miyaan illaaway? Hamuunta miyaan is dhaafay Sideen ceebta ugu hiilay Hankeedu yaraa naftayda Halkuu ila galay jacaylku, Billaawaan daabka haystay Halbawlaha maysku gooyay Miyaan boqontayda heeray Intaan cadawgay u hiishay, Hadh-galay maanaa is dhiibay Jacaylkii aan horseeday Markaan hilinkii ka leexday Intaan hilinkii ka leexday# Hayaankii miyaan asqoobay? Hilaadii halkaan u guuray Hareerta miyaan ka dhaafay Wixii aan hore u eeday Haw laaban miyay i seegtay Hankeeda yaraa naftayda Halkuu ila galay jacaylku? Hadduu hiil geesi waayo Cadaawana libin ka haysto Go'iisa intuu hillaabtoo Hiinfaadh iyo ciil ma waayee, Miyaan hawlaha kalgacalka Halkiisii gaaf wareegay? Han-qaarmay intaan hamooday Miyuu hindisuhu i laaday? Intaan caashaqa habsoomay Maxaan habradoon xishooday? Miyaan hurintiyo barbaarta Shirkooda ku heelin wayay? Hankeedu yaraa naftaydu Halkuu ila galay jacaylku? Hoyga Suugaanta & Dhaqanka Soomaaliyeed Xusuustii Hadraawi Caynaanshe Axmed Dhaxalka Suugaanta

Somalilander ❤️ 😍 💖

Open In TikTok:

Region: SO

Friday 26 June 2026 01:01:05 GMT