*شجرِ حسینؑ* *ایک پودا، ایک عقیدت، ایک پیغام* ڈسٹرکٹ جیل شاہپور میں اس سال محرم الحرام کے موقع پر ایک منفرد اور خوبصورت روایت کا آغاز کیا گیا۔ عزاداری اور امام عالی مقام علیہ السلام کو خراجِ عقیدت پیش کرنے کے ساتھ ساتھ مومنین نے ایک نئی سوچ کو پروان دیا۔ ہر شریکِ مجلس نے حضرت امام حسین علیہ السلام کی یاد میں ایک ایک پودا لگا کر اپنے عشق، عقیدت اور وابستگی کا اظہار کیا۔ یہ صرف پودے نہیں تھے… یہ امید کے چراغ تھے۔ یہ زندگی کا پیغام تھے۔ یہ اُس فلسفۂ کربلا کی عملی تعبیر تھے جو انسانیت، تعمیر اور آنے والی نسلوں کے لیے خیر و بھلائی کا درس دیتا ہے۔ سرزمینِ کربلا نے ہمیں یہ سبق دیا کہ قربانی کبھی رائیگاں نہیں جاتی، اور ایک سچا پیغام وقت گزرنے کے ساتھ مزید مضبوط ہوتا جاتا ہے۔ آج لگائے جانے والے یہ پودے بھی آنے والے برسوں میں تناور درخت بن کر محبت، امن، ماحول دوستی اور خدمتِ خلق کا پیغام عام کریں گے۔ محرم الحرام کے اس بابرکت موقع پر یہ شجرکاری مہم اس عہد کی تجدید ہے کہ ہم حضرت امام حسین علیہ السلام کی تعلیمات کو صرف یاد ہی نہیں رکھیں گے بلکہ اُنہیں اپنی عملی زندگی کا حصہ بھی بنائیں گے - @1officers